忍痛去曼谷...

2007.05.19 to 20

第 263 次飛行

諗左好多次飛唔飛這班新加坡曼谷機好...每次痛一痛, 我都有想打破自己未port 過sick 的紀錄...但當我諗番手術費用好貴, 自己又冇買醫療保險, 還是選擇番工, 加上3 程機都只係1/2 loading, 我想我應該ok 的....

回到公司, 望望個list, 好彩冇port sick, 如果我都port sick, 這班機就會有3 位同事port sick, 而呢班機就會自動變左co flight, co flight 即係, 如果成日有人port sick 的機多過3 個人port sick, 下個月就會俾番同一班機你..仲要swap 唔走既...雖然話哂仔仔係曼谷者, 但co 喎, 頂死個roster swap 唔到, 好麻煩架!

老總的 briefing都幾特別...一開波就講左20 分鐘佢自己的 flying experience, 一大早要上堂聽書, 真係好鬼眼訓....

直至到assign position 時, 我就醒哂, 因為我明明之前check 到自己有得賣bar, 但老總assign 的時候, 點解會變左係另一位同事既?

那位同事聽完都愕然...而我亦係呢位同事的partner...上左車去機場中, 我同呢位同事傾開轉左position 呢件事, 我說自己本身係賣bar 既, 之後同事問我ranking, 我說罷, 那位同事立即說不如同我轉position, 佢話雖然佢同我都係 sales team 的人, 但佢ranking 咁低, 唔會落力去賣, 所以還是給我做好了, 還叫我快d 同老總講...最後成功轉了position, 而最後我都冇令呢位同事失望, 數目非常可觀! 謝謝這位同事啊!

 

3 程機內...除了要處理hot card 問題, 同埋上一set 同事唔記得將條sales kit 的 key 放番入個box 俾我, 搞到我賣唔到貴野外, 還有一個笑話....

話說係香港去新加坡那一程, 我派tray...點知我夾個飽時, 唔小心跣手, 成個飽飛左落男乘客個頭, 然後反彈去佢既大脾上....我立即嚇死...

 不斷同個客say sorry, 但個客竟然冇嬲, 仲係咁笑....我問佢有冇事, 再說sorry, 個客說:" 唔緊要, 我冇事, 但嚇死我囉....我以為個波係個screen 度飛左出黎..." 聽後, 我望望個客睇緊的channel, 原來佢睇緊sports, 當時電視內的運動員打緊golf...我飛飽的時候, 咁o岩就係運動員發球的時候...所以個客以為個波係個screen 飛左出黎, 仲打算張開雙手去接! 嘩哈哈! 我聽完, 我都笑死...

 個客仲話: " 又會d 時間o岩o岩好...哈哈哈哈....." 事後每一次我行經過這位客人的時候, 我同佢都笑笑口...而我諗番頭先飛飽事件, 忍不住講左俾我partner 聽....

 點都好啦....今次真係我好彩, 下次真係要小心d 先得啦!

由於班機delay 了, 最後我地差不多遲左成個鐘先到酒店...之後又等左仔仔成個半鐘...見到仔仔第一種感覺係, 除左佢剪左頭髮外, 仲瘦左好多..我都估到佢有d問題...真的如我所料.....dinner 後, 咁難得見面, 當然好多野傾啦...聽完仔仔講完, 我只可以俾到意見, 希望幫到佢啦.....唉....唔好諗咁多野啦....你要加油啊!

回到香港, 係機場見到 billy哥, 佢一見到我, 又講我個妝....

 以前o岩o岩training時, 個妝梗係老土d 同誇張d 架啦!

番到屋企, 鬆了下來, 先發覺自己個傷口好痛....仲發生左一件我估唔到的事...驚到我喊....但我冇後侮返左工! 不過我真係要食番多d 野補血了.....唉..

明天又要飛了....很久冇飛過long flight, 唔知道自己頂唔頂得順...