無形的壓力 (上)

2007.05.12 to 16

第 262 次飛行

係我未開估今次我去邊度之前, 首先講下班機先....

今次與一位"非一般" 的老總飛, 所謂"非一般", 佢當然係與一般的老總不同....

佢一入 briefing room, 就派俾我地一人一張紙, 紙上面有兩個part, 分別係service 同 safety, 寫左成10 幾個point, 要我地跟住黎做...同埋佢再一次強調, call light要立即去應....

聽說這老總對聲音非常敏感....只要call light 一叮! 無論個call light 係 economy class 又好, 係 business class又好, 而老總係 economy class 又好, business class 又好, 佢都會立即出去應....試過老總係 business class, 聽到economy class 有 call light...都立即飛去應...仲驚嚇都有, 老總明明rest 緊, 但點知call light 一響, 佢立即起身去answer,真係嚇死我地....亦因為咁, 我地economy class 兩個galley 內的 同事都有共識, 我地將個cabin 分開兩個part, 後面call light 就我地應, 前面call light就佢地應...情況才好一點, 不過做service 的時候係最辛苦...我地一人one man cart...有call light的時候, 因為我地要睇住個cart, 所以唔可以分身去應call light...呢個時候, 我永遠都見到老總好緊張去睇d call light, 有時佢企係我個cart 隔離, 我寧願要老總幫我睇住個cart, 我去應個call light 好了...結果我就成日係60 幾行, 行行行, 行到上30 幾行應call light, 一來一點, 真係累到爆!  做完第一個service, 我已經俾老總玩殘左.....

老總對聲音好敏感, 唔淨止call light 一樣, 我地做野都要細細聲, 試過有同事關compartment 有少少聲, 都俾老總"shuuuuuuu", 連我地係機場行的時候, 行到"knock knock" 聲, 老總立即問我地對鞋係唔係鬆得濟, 仲要我地快d去換鞋....由於我地一班同事都係好玩之人, 聽完老總咁講, 我地立即抄哂野行到冇聲...但我地的走路的姿態變得異常奇怪....連FO (first officer) 都玩埋一份....哈哈!

另外由於有幾位同事幫我買煙, 我通常都會scan 左d items 先, 俾完佢地, 佢地之後幾時俾錢我都得, 唔一定我俾完d items 佢地, 就要立即收錢既, 今次亦一樣, 老總幫我買條煙, 我一早scan 完items, 咁o岩見到佢入黎galley, 我盲 俾左條煙佢啦...點知佢話:"if u give me the cigarettes now, that means i have to go back immediately and give you money.." 咁我話唔洗, 錢遲d 先俾都可以, 點知老總又再說:"nonono, i have to go back the galley and put my cigarettes back now..." 咁我話我可以幫佢拎埋落機...點知...老總都好似唔明我的意思, 死都要拎番條煙同埋立即俾錢我, 搞到我唔好意思...唉...crew rest 後, 老總問我收到錢未, 我說未...原來老總叫紫姐拎d 錢落黎俾我, 點知我訓左, 老總知我未收到錢, 立即又緊張起來...搞到紫姐非常驚....唉, 我又唔係等住d 錢...點解要搞到大家都咁tense 呢?

回程因為full load, 所以冇乘客的座位俾我地rest, 我地最多都只可坐係crew seat 上面...但因為我地成日都怕老總黎巡, 所以黎take turn 睇水...這班機的FO雖然成日好多野講, 覺得有點煩, 但佢好好人, 成日行出黎cabin, 叫老總入cockpit 坐, 那麼我地所有人就可以偷懶一下....

與我同galley 的同事h, 係最 senior, 但很多同事都不喜歡她, 因為佢地覺得佢冇禮貌, attitude 又唔好, 又有 borderline, 去 service 又超級慢, 同事說佢都唔知真慢定係假慢, 對客又唔好...聽同事說, 佢仲"gip" d 客添! 成日只係做到door 3就完, d extra tray 又只得另一位同事收哂, 睇見都慘, 起初我都有d 怕同事h, 不過飛飛左幾程, 我覺得佢本身個人係咁, 我都習慣了...不過不得不承認, 佢d 態度真係差d...

下一篇再講下d 客.....更激氣呢!

(待續)