小事幾則

2007.05.29 to 30

第 265 次飛行

這班機上的特別事不多, 去程後面成個zone 都係同胞團...而回程後面成個zone 都係新加坡團...不過佢地都比我想像中易serve 呢! 所以問題不大...

印象中只記得以下幾件事...

1. 去個程, 好多同胞去洗手間都唔識自己鎖門, 攪到好多時明明裡面有人, 但因為門的顯示係 vacant, 好多人都撞了入去...其中一次, 我打算去洗手間, 當我推開右邊的洗手間時, 見到有個男人背著我小解緊, 嚇到我立即關門...仲幫佢lock 番洗手間...廢事再有其他客人撞左入去啦! 剛剛左邊洗手間有客出左黎, 我就入了左邊洗手間...隔左一陣, 我聽到右邊洗手間內的客人狂打個門口, 一邊說: "喂!!!喂!!!!喂~~~~~!!!!! 放我出來啊!!!!!!" 我心諗 : " 唔係掛....佢真係唔識unlock 個門番出黎?" 我係洗手間自己係度笑左一陣, 之後就行番出去...unlock 門口...等那位客人可以番出黎...之後再教佢下次點lock 門口...事後佢d朋友都有笑佢呢! 不過有客唔知點unlock 門口番出黎...我都係第一次遇到....

2. 去個程, 一單生意都有, 本來係有一單既, 點知我將d 貨俾個客時, 個客竟然同我講佢張 credit card 放左係 check in bag 度...我當堂....

3. 回到香港, 航機泊左係gate 71...要行出機場都要一段時間...點知我差唔多行到搭無人駕駛的月台時, 先發覺自己唔記得拎番件 smock! 結果我要死死氣氣行番去gate 71, 等個ground staff 姐姐幫我開門....係度真係好多謝ground staff 姐姐, 搞到你要行咁多冤枉路... 入去拎番件smock, 諗住快d 走啦...點知我開極都開唔到gate 71 的門.... gate 71 係最遠處....個度人都冇隻...孤菇拍左好耐門...先有位機場阿姐見到我的狼狽樣....唉!  結果我係機場行左成45 分鐘先出到機場....

4. 今次返到公司, 見到一d 相識的同事, 他們分別說我瘦了, kit 姐仲問我做乜事, 瘦左成個圈....嘩! 有冇咁誇張呀????? 老實講, 我唔覺得自己瘦左囉...如果我真係瘦左, 睇怕我要去換套uniform 啦...

好累好累...但明天因為去斯里蘭卡的班機cancel 左, 所以要 standby...嗚嗚嗚...