你係豬扒!

2007.05.06 to 07

第 260 次飛行

今次被派去商務客艙工作, 因為老總同紫姐的名都係 not disclosed, 所以真係有d 驚驚架! 不過後來發覺老總同紫姐都係超級大好人....加上4 程機, 只有第2 程 full load...老總又肯cut 左一部分的 service, 所以都做得幾開心啊!

雖然做得開心, 但紫姐做service 的速度完全令我流汗....紫姐好似著左turbo 咁, 做得超級快, 令你對面aisle 做緊的我完全追唔上, 加上我個邊的客, 又要 dry martini, 又要jack daniel, 又要 vsop, 好多drinks 我架車上面都冇準備到, 搞到越來越慢... 同事們笑說: " 你今晚要訓多d, 唔係聽日點同阿姐賽車..."

今次本來好開心, 我地班機早到左大阪, 仲諗住多d 時間dinner 同shopping, 點知我地過左immigration, 忽然有位坐經濟客艙的日本女仔指住我地同機的其中一位同事, 話要complain 佢同一位日本阿姐...驚動了很多正在過關的人..連我的驚動埋, 因為我正係被指住 complain 的同事後面, 而我見到那日本女仔好激動咁指住d 同事黎鬧...但又唔知佢鬧乜, 淨係係咁話:" i need to complain u and a japanese crew, i need to talk to a japanese crew..."  本來我都想了解下事件, 但紫姐話我同幾位同事都係business class 做, 加上如果成set crew 圍住那日本女仔, 實在太怪了所以可以去酒店先....

我與幾位同事去左酒店, 等左成半個鐘, 只見到一兩位同事來到, 他們說, 事件還未搞掂, 那女仔仲激動到喊 (大家起初心諗駛唔駛咁...) 於是佢地黎左叫我地拎左allowance 先, 廢事等佢地咁耐啦...就係我地剛剛拎左allowance, 其他的同事都黎了....

與8 位同事一齊去dinner, 大家的話題梗係離不開那日本女仔啦....事件原來係咁...

通常我地只會係 meal service, 先會叫客人拉直椅背, 目的就係方便後面的人客用餐...不過meal service 前前後後, 乘客其他有權recline 佢地的座位....話說那日本女仔坐係58 c (for example), 佢不論係唔係 meal service, 都會recline 佢的座位, 佢後面的客人59c(都係女乘客) 無論係唔係meal service 的時候, 都好唔鍾意58c 成日recline seat, 而同事們都曾經同59c解釋了客人其實有權 recline seat 的, 但59c 依然好唔鍾意, 而同事們的努力, 坐58 c 的日本女仔唔領情...其實確實我地又真係做唔到d 乜....終於到左landing, 59c 依然唔忿氣, 話左58 c 那日本女仔幾句話....其中一句大慨係: "你個樣好醜, 係豬扒!"  因為咁, 58c 覺得受辱....終到係話immigration 時, 要決定complain 我地....最後仲驚動埋 ground staff 呢! 其實成件事與我地冇乜關係....而老總都話唔關我地事, 只係那58c 的日本女仔俾人話豬扒, 覺得唔忿氣, 搵我地黎出氣, 仲要日本阿姐 say sorry, 成件事, 日本阿姐食左隻死貓....真係慘! 不過無論點都好, 最重要係老總好 support 我地, 呢樣先係最重要啊!

雖然我地笑左呢件事好耐, 不過諗深一層, 女仔係公眾地方俾人話豬扒, 唔怪得佢喊...因為又真係幾hurt 下....

兩日的短暫大阪之旅又完結了, 我當然又收鑊豐富啦!

對於明天那班機...那個地方, 呢一刻我覺得又愛又恨...唉!