2007.05.12 to 16
第 262 次飛行
4 程機, 只有頭尾兩程機比較full, 而最辛苦都係頭尾兩程機, 客人主要係國內同胞, 印度人, 同埋菲律賓人...今次的國內同胞都幾煩下, 一上機就要求多多, 可能佢地係廣東人, 所以煩d 啦....煩都算架啦..但態度差呢樣野係我最唔欣賞...去個程, 我做第一次pre take off check 時, 有個男人將份報警放左係走廊上, 我以為冇人要, 打算拎走...點知隔離有個男人話仲要份報紙, 咁我俾番佢啦, 點知佢又好似嫌多左份報紙阻住佢, 咁我就打算幫佢將份報紙塞落seat pocket 度...點知佢一句:" 咁樣會頂住我對腳喎!" 我心諗: "咁你想點?" 我回答: "那麼你想放在那裡?" 之後我都唔理佢, 走了...做第2 次pre take-off check, 份報紙又要地上, 今次只有一半凸左出黎, 另一半個男人踏住, 這次我打算將那一半凸出黎的報紙塞番入去個位度, 點知個男人說: "我而家唔要啦!" 有冇搞錯? 踏完份報紙先俾番我? 
事後我回到galley, 阿姐對我說, 我個zone 有個男人好乞人憎, 我立即估到係邊個啦...果然真係佢....
另外有一對couple, 永遠唔會一次過要兩杯中國茶, 次次個男人都係叫完一杯俾自己, 再叫俾個女人, 咁我成日都問佢地係唔係要兩杯, 次次都話唔係既..但次次我一俾完一杯, 隔一陣又叮 call light, 要另一杯俾個女人...問多兩次, 我唔會再問, 次次都俾兩杯....又好似我partner 去緊一tray drink...那對couple係都要我partner 收左隻杯去, 我partner 解釋因為而家去緊drink, 一陣再幫佢地收...點知佢地就話:"一隻杯你都唔肯收, 都唔知乜野service 黎..." 但你地又明唔明, 如果你係客, tray 上面有污漕杯, 你地的感受又如何? 真係好討厭呢d蠻不講理的人! 
仲有video 的問題, 亦係搞到我地頭都大...
反而印度人及菲律賓人就好多了, 雖然都係有少少煩, 但最多都係想換位同埋成日要飲水....
事後我回到galley, 阿姐對我說, 我個zone 有個男人好乞人憎, 我立即估到係邊個啦...果然真係佢.... 另外有一對couple, 永遠唔會一次過要兩杯中國茶, 次次個男人都係叫完一杯俾自己, 再叫俾個女人, 咁我成日都問佢地係唔係要兩杯, 次次都話唔係既..但次次我一俾完一杯, 隔一陣又叮 call light, 要另一杯俾個女人...問多兩次, 我唔會再問, 次次都俾兩杯....又好似我partner 去緊一tray drink...那對couple係都要我partner 收左隻杯去, 我partner 解釋因為而家去緊drink, 一陣再幫佢地收...點知佢地就話:"一隻杯你都唔肯收, 都唔知乜野service 黎..." 但你地又明唔明, 如果你係客, tray 上面有污漕杯, 你地的感受又如何? 真係好討厭呢d蠻不講理的人! 仲有video 的問題, 亦係搞到我地頭都大... 反而印度人及菲律賓人就好多了, 雖然都係有少少煩, 但最多都係想換位同埋成日要飲水....
其他的問題仲有...有客胃痛, 有小朋友肚痛, 第2 個service 派 snacks box, 但因為佢地食得太肉酸, collections 時, 真係收死我, 最慘係好難疊番好d snacks box, 結果我拎個袋, 倒哂d 野落去, 同埋佢地成日飲剩野又冇位倒, 結果放到cart top 都冇位再放, 連阿姐都笑說: " 你d drink 都幾colourful..." 
不過更肉酸既仲有.....
不過更肉酸既仲有.....
(1)去個程, 有氣流...我check洗手間, 點知見到有嘔吐物係個sink 度, 仲佔左成半個sink 咁多...我睇完都想嘔, 立即叫我partner 不要看...
(2) 回程, 我打算去洗手間, 後面的washroom 都full 哂, 咁我打算去前面galley 附近一個洗手間啦, 點知一開門, 我就見到有一堆液體係地上, 起初我以為係d 客食完既野or垃圾黎既, 但因為個樣都幾肉酸下, 所以我就用兩隻杯兜起, 再放係個垃圾桶內, 點知我一丟完, 我就見到個sink 又有少少嘔吐物, 同頭先我兜起那袋野一樣的, 真係OMG 囉! 我立即同中間GALLEY 的同事講, 佢地話:"又係你發現到...你以後都係唔好check 洗手間啦!" 那時候, 我仲諗住去完洗手間就番galley 食野既, 見到個堆野, 我真係食唔落...
我立即同中間GALLEY 的同事講, 佢地話:"又係你發現到...你以後都係唔好check 洗手間啦!" 那時候, 我仲諗住去完洗手間就番galley 食野既, 見到個堆野, 我真係食唔落...
(3) 過了一會, 有客同我講有客嘔左係個sink 度, 於是我又去睇啦...唉...嘔落個toilet bowl 米好囉! 嘔係個sink 度, 點洗? 
我block左個洗手間, 點知過左一陣, 我再check 洗手間時, 另一個washroom的sink 又有嘔吐物...最後終於俾我知係邊個, 個客原來嘔完一個sink, 再嘔去另一個sink, 我俾個袋佢, 再三叫佢唔好再嘔係個sink 度啦, 再block多個洗手間, d 客就再冇洗手間用架啦! 唉! 
我block左個洗手間, 點知過左一陣, 我再check 洗手間時, 另一個washroom的sink 又有嘔吐物...最後終於俾我知係邊個, 個客原來嘔完一個sink, 再嘔去另一個sink, 我俾個袋佢, 再三叫佢唔好再嘔係個sink 度啦, 再block多個洗手間, d 客就再冇洗手間用架啦! 唉!
係內外受壓的情況下, 終於完成這班機...
不過同事笑說: 做完呢班機, 我地會有"機艙call light 後群症"! 
大家估到我去邊未? 俾個tips, 個度而家好鬼死熱! 我去到的時候, 成 40 度! 
No comments:
Post a Comment