劣作

2007.10.12

大家估到我去邊度未呀? 因為今次去的地方都幾冷門下, 就係澳洲的 adelaide! 孤菇都係第2 次黎咋! 對上一次, 已經係3 年前的事...那次仲係 6 day pattern 呢! 這次只是4 day pattern 咋! 實質只係stay 係 呢度日半咋!

 

訓左成半日, 第3 日就去左city行下,話哂都成3 年冇黎, 不過天氣都普通, 時光時暗...搞到我今次d 相都執左好耐, 仲要執完都係那個衰樣.. 唉...由 Victoria Square 行到去Rundle Mall, 再向北行, 行去St Peter Cathedral...由於太大風, 同埋入夜了, 所以只好番酒店....

那晚仲以為有覺好訓, 點知又有d 小意外發生了...深夜的時候, 我聽到d 爆炸聲, 睇下條走廊, 又冇野喎, 再睇下個洗手間, 又冇事喎, 咁諗住訓啦, 臨訓前, 諗住打開個雪櫃睇下仲有d 乜野未拎走..點知一打開, 成個雪櫃都係可樂色, 原來頭先個D爆炸聲係來自酒店的diet coke(因為爆左)....連雪櫃內的 creamer 都爆到周圍都係...我心諗, 要我抹又唔係, 叫人黎抹, 睇怕我今晚唔洗訓都似, 但如果唔抹, 又怕一陣起身, 會見到d 我唔想見到的昆蟲...    那次孤菇o岩o岩同緊仔仔msn 緊, 想不到, 只係打左句"死啦", 仔仔9 秒9 打電話黎酒店問我發生乜事...最後, 我決定由得個雪櫃, 但結果搞到我整晚只係訓得3 個鐘...(俾少爺lo 見到呢單野, 又會話乜野事都會發生係我身上架啦!)

這次的相, 我影得好差...已經執左架啦...都係那個衰樣...沮喪中...

p.s http://www.flickr.com/photos/92347866@N00/ <--這裡還有更多今次的劣作...