浪漫檳城之旅

2007.10.21 to 24

其實孤菇都係幾天先收到仔仔黎檳城的好消息, 他說他已經玩過哂成個檳城, 這次來的目的, 係陪我咁話喎!  

第一天

仔仔早上就已經由曼谷飛左去檳城, 一直等到傍晚, 因為孤菇班機要成8 點半晚上先到檳城...這晚仔仔同朋友飲左好多酒, 所以醉到呢...我完全冇眼睇...

第二天

仔仔一早就租左電單車帶我遊 penang city, 其實已經唔係第一次坐電單車了, 第一次我返鄉下坐, 個次真係好驚...第二次就係兩年前同老外拍拖時, 坐電單車係sydney harbour bridge 上飛馳, 真係好爽同好恐怖...第三次就係今次, 由仔仔駕駛...對於佢的駕駛技術, 都有點信心既...呵呵!  因為都第3 次, 所以唔係太驚啦!

首先去左附近食個lunch,

之後就去左penang hill...
下面班人等緊d 乜?

 

就係等緊下面呢架上penang hill 的 tram, 我覺得有少少上太平山feel...

 

d tram 15-30 分鐘一架, 但勁細架, 又冇乜位, 又冇冷氣, 人又多, 好多差差係咁迫埋黎...結果仔仔企左係近門口的位置, 見班差差一想迫入黎就說: " no more space.."
不過坐tram 上去 penang hill 時, 我幾乎被迫到透唔到氣...搭左好耐, 再中途轉另一架tram, 終於上到penang hill, 但唔好彩, 我地上去的時候, 落大雨, 上到penang hill 時, 乜都睇唔到, 真係失望呀!!!!  我地只好係 penang hill 上面飲d 野, 就離開....

番到地面, 我地係室內等左好耐, 希望雨快d 停, 但雨一直下, 我地開始諗點樣返酒店啦, 因為我地坐既係電單車, 落咁大雨, 成架車都濕哂, 最慘係連個頭盔都入哂水... 最後我地等左成兩個鐘, 天開始黑, 只好硬住頭皮起程...仔仔就戴頭盔, 但我就冇, 只係擔遮, 但因為太大風的關係, 我發覺咁樣我好易失平衡, 所以最後只好死死氣氣戴個濕頭盔(那一刻我忽然諗起 周董幾年前那個one2 free 廣告), 與仔仔一起坐電單車係penang city 飛馳, 聽落好似好浪漫, 但事實係...好凍... 落雨 + 電單車真係第一次...亦冇諗到自己有咁既下場...
回到酒店, 立即要沖涼...大家都好狼狽...
那晚本來想去 night market 的, 但因為雨一直下, 沒有停, 所以取消了, 改為去附近dinner 算了...
第三天
今日的天氣好過前一天少少, 不過差不多中午時分, 個天又係好黑, 大家睇下下面個張相就知啦!

 而孤菇趁個天未落雨, 影番張電單車照...呵呵!

 

兜兜下, 真係落好大雨, 我地只好搵個地方食lunch 先...到左下面呢間野飲茶, 我就覺得ok 啦, 但仔仔就唔係太滿意啦....原因係, 佢食饅頭想要煉奶, 點知d staff 話冇...

 

等雨停了, 我地繼續行程, 首先就係坐電單車係下面的penang hill 飛馳, 雖然唔夠係 sydney habour bridge 咁震撼, 但都吹到我個頭盔差d 甩...

 

飛馳完, 我地就去左 queensway mall shopping...

入夜, 我地趕去還車, 之後我地坐人力車係酒店附近兜下...(由於幫我地影人力車合照相的叔叔技術不是太好, 所以post 唔到上黎啦...)

 

我地坐人力車去酒店附近mall 買少少野, 就坐的士去Batu Ferringhi Night Market, 仔仔原來帶我去night market, 除左買碟外, 仲打算同我去海邊食海鮮, 但由於實在太貴, 同埋唔抵, 所以都係去番大排檔食最好啊!
行到大慨 11 點, 就坐番的士回酒店, 期間我地兜左去買出名好味的牛尾湯...

 

就這樣, 行程就進入尾聲, 當中還有一件小事發生了, 仔仔問了孤菇一個問題...因為他怕那件事會令大家都有心病...幸好, 大家都傾好了...事件都告一段落...他問我的時候, 真係嚇到我半死...連係lobby 的 waitress 都要彈埋一邊...

另外談及一d 切身問題, 我聽完是有點可惜, 雖然將來我沒有那個打算, 不過, 聽完後, 覺得自己忽然沒有選擇的權利, 有點無奈.... 但同時, 我都明白他有他的顧慮...

第四天

仔仔跟孤菇去機場, 他回曼谷, 而孤菇就回香港, 下次見面, 又是一個大日子..

還有更多的照片在這裡: http://www.flickr.com/photos/92347866@N00/