再征澳洲 (下)

2007.10.10 to 13

第 300 次飛行

回程, 眼訓到死...而紫姐又轉 service flow, 第一程要經一經melbourne, 只得 57 分鐘, 出兩架車overlapping, 好彩客人都很好, 雖然loading 都幾full 下, 但都趕得切完成... 係 melbourne transit 的時候, 因為澳洲只係開 door 1, 所以我去左 door 1 set newspaper trolley, 點知setset 下, 紫姐話door 1 應該係 economy class的同事 set, 而我應該自己set 一架係business class, 我心諗, 唔通我記錯左?  (如果睇完呢個blog 的同事們, 可否話我知個真正答案呢? thanks!) 之後紫姐叫我打電話落去叫economy class 的同事上黎door 1 set newspaper trolley, 我心諗: 唔係掛, 我打電話? 一陣d 同事以為我點佢地做野喎...=.= 最後我叫紫姐自己打落去..呵呵!  事後, 因為有d 事, 我去左economy class, 順便吹下水...同埋講聲唔好意思...

係 melbourne 回香港, 簡直係地獄... economy class 只得一半客, 但我地business class full load 呀! 仲有好多係自己人黎...共通點係...全部都係咁喪飲! 紅酒, 白酒, perrier, 幾乎同我清哂! 我連economy class 既drinks都拎埋落黎...可想而知佢地有幾恐怖?! 好似前世未飲過酒咁...而今次紫姐而轉 service flow, 佢話佢自己做哂前面個zone, 我做後面個zone, 而紅姐要幫我...咁樣的 service flow好像好了一點...不過當中都有d 小插曲既, 因為 full load, main course d choice 唔夠...其實已經有4 個choice 了, 但有兩位客人死都要食veal/steak...其中我個zone 那個係最煩, 我同佢講個choice is so popular and is no longer available...點知佢只係單字咁講: "veal....", "steak"...吹脹, 我搞佢唔掂, 去左搵紫姐, 紫姐搞唔掂, 老總出碼, 但佢死都要食steak... 最後老總只係去拎個cockpit 餐去 heat...唉, 我真係對唔住大家... 老總說:" 洗乜say sorry? 都唔係你的問題..." 她還說:" 唔食steak 會死咩?" hahaha!

呢班機的老總真係好幫得手, 次次都幫手出 cocktail service 的 trolley, 佢仲係自己set 自己架trolley, 幫手collection, 執 galley, 呢d 落力做既老總我真係好耐冇見過! 亦好多謝佢, 我地先做得冇咁辛苦...

到落機前的最後一個service, 紫姐又轉 service flow, 不過可以我已經習慣了..所以都沒有什麼大問題...雖然佢餐餐都轉 service flow, 但我冇怪佢, 因為我始終每個人做每一樣野的時候, 總有佢地的原因, 我做好自己本份就好了....

連續兩班long flight, 除左覺得咁耐都未試過咁舒服唔洗做duty free外, 我仲發覺自己要面對做呢份工, 從來冇諗過會發生係自己身上的home sick病症...