我的不幸?

2007.10.25
第 303 次飛行

今次我的duty 係 BD, 即係 bar duty, 只係負責係機上賣免稅品...不要覺得好似一份好輕鬆的工作, 忙起上黎, 分分鐘, 同事要幫番我轉頭.... 其實如果有得swap 走, 我真係好想唔做, 因為今日只係飛台北 turn, 我一向都唔做既...老豆都話我, 我來回公司的車程, 已經等於飛台北一轉了..

幸好, 今日的生意唔多, 不過次次賣duty free, 總會有同事問我係唔係 sales team 的人, 我話"係"之後, 大家總係覺得我唔似係team 的人, 因為我冇乜落力去賣, 當然啦...死左心麻....
由於生意不是太好的關係...有同事說幫我買dior 既 items...但佢話用卡俾...我說:" 你唔驚咩?", 同事說:"而家可以用卡俾...", 我說:" 幾時既事?", 同事說:" 上次有個阿哥講既, newsletter 都話只要等所有客買哂先買就可以用卡俾...", 其實我期期newsletter 都有睇, 但我記得冇話用卡俾就得囉...其實今次我都有野想買, 係買俾個朋友, 但我又冇帶夠錢, 呢個同事就叫我用卡俾...但我說唔好啦...之後就道出年頭因為年半內簽左12 次卡買公司野, 而收公司一個verbal warning...

同事聽完就說, 公司只係揀左一部分人出黎搞事...加上同事說上次個阿哥話而家碌卡真係得, 上次老總同captain 都有碌卡買野...我聽完, 覺得自己好唔抵....1. 我覺得公司真係只係揀左其中一堆人出黎俾 warning...同埋係呢件事上...我覺得公司是暗暗地處理, 有時我心諗, 如果那時我收到e-mail, 冇覆佢地, 而家我會點....我覆佢地,係唔係自己蠢左, 等佢地食到個位... 2. 好多人都有碌卡, 我都唔算多, 點解我又要受罪...簡直係一張白紙的一個污點....(因為我從未遲到過, 未port 過sick, 冇收過complaint...等等...)

雖然同事話而家可以, 但我最後都係冇買到, 留番下次帶夠 cash 先, 廢事夜長夢多...

只怪自己係呢件事上有點不幸...

深夜, 同太后, 老豆去左食宵夜, 對太后說, 我又唔見公司的items, 太后都慨嘆...不如你唔好做啦....

這次我總是想起仔仔成日對我說的四字成語: "死性不改", "獨孤一味"