快樂卡拉奇 (上)

2007.10.16 to 19

第 301 次飛行

很多同事知道仔仔係曼谷, 都會問我: "咁你點解唔做KHI ( karachi) ?", 因為做KHI flight會stay 係曼谷, 所以往往同事都會這樣問, 但我唔會特登換呢班機黎做, 最多都只係換曼谷overnight, 因為很多人都說KHI flight 好辛苦, 加上公司又未roster 過俾我, 所以一直都沒有機會去試...不過今次, 由於本來roster 係去南非的, 但 allowance 少得很, 加上到見出roster 的日子16 號, 往往第一時間會去swap 機的我, 叫我係南非與一班同事覺用公司的電腦去 swap 機, 我死都唔濟, 所以與同事換了, KHI  4 day + Penang 4 day..., 淨係allowance 都多過南非多多聲...

大家係 briefing room 時, 都談論老總的名字來, 因為老總的名字與一位top 10 老總的名字一樣, 後來我與大家說, 那位top 10 老總姓"伊島", 這個不是, 所以應該ok 的... 大家係 briefing 後, 都放下心頭大石..不過有同事就好驚, 因為本來auto assign 我做duty free 的, 點知老總部機睇到的position 係另一位生手的同事做duty free, 而我又唔想同老總搶番個位黎做...那位同事對我說:"你一陣要救救我呀!!!" 放心, 同你都飛左幾次, 一定會救你...呵呵!

第一程, 係去曼谷最夜的一班機, 老實說, 很少做最夜的曼谷機, 也不知道會有什麼乘客, 有客上機時, 發覺真係成個聯合國咁... 有鬼佬, 鬼婆, 有大陸人, 不過大部分都係泰國人, 泰國華僑都好多呀!!!! 雖然loading 比較full, 但大部分的客都好好人, 唯獨是我個zone 有個貌似香港男人唔鍾意我派俾佢的main course, 好冇禮貌咁同我講叫我同佢換第2 個...真係令我費解...除外, service 都好順利, 後面galley 的阿哥仲好快手, 我地派哂餐, 佢已經幫我地by hand 去哂 tea 同埋coffee! 之後個兩程機, 阿哥都係神乎其技咁一早去哂tea, coffee, 令我頭3 程機完全冇機會掂過tea/coffee! 阿哥真係好鬼勁!  完左service, 我的partner 就賣 dutyfree, 當時唔係剩好多時間, 我執執下個galley 時, 忽然見到企係機尾的阿哥向差不多係機頭的我揮手, 原來阿哥叫我快d 救救賣duty free 的同事, 平時通常都係同事幫我, 發覺今次幫同事搵items, 又唔洗自己賣, 感覺也幾好...呵呵! 阿哥與我partner睇住我搵items, 都異口同聲話: "不如下程機開始你負責賣吧!" 搞左一大輪, 終於去哂d order...而航機漸漸接近曼谷...

當中, 機上有位需要坐輪椅上機的婆婆, 佢上機的時候, 好堅持唔需要我地幫手, 要自己一個人行去佢自己的座位上, 落機的時候都係...還有, 佢並唔肥, 但扣唔到條安全帶, 因為佢著左好多衫, 同埋幾乎所有衫袋都有野係裡面...搞到太多東西係身上, 扣唔到安全帶...見佢扣得咁辛苦, 我提議不如俾條加長的安全帶俾佢, 等佢唔洗扣完之後覺得緊...但佢又堅持話唔洗, 自己一定扣到...另外這位婆婆由上機那一刻, 大家就聞到佢身上有一陣惡臭, 期後坐crew bus 去酒店途中, 我地都談及這位婆婆, 同事說婆婆將會係曼谷坐船...而這位曾經係船公司工作的同事說, 有些外國人老左, 會坐船係海上飄流, 直到自己生命的最後一刻為止...我聽完, 覺得婆婆有點慘, 自己一個人坐飛機, 自己一個人坐船終老...感覺上, 就好似自己送婆婆上天堂咁...另外有同事又說...婆婆的臭, 是發生內臟...聽完個心真係有d up...  咁我祝婆婆快樂地走到生命最後的一刻...

這晚仔仔沒有來, 因為我到左酒店, settle down 後, 都已經成凌晨兩點了....

待續........