隊長踢波

2010.12.18

頭先去公司網站申請jump seat 時, 一見到隊長個名, 我就諗返起....

上次做倫敦機回程時, 做PA 的同事無抄到隊長個名...於是就周圍問同事....

咁O岩有位好心人聽到, 就答:'今日隊長個名叫Ted Ball...'

做PA 的同事好像面有難色, 可能覺得個名難記掛?!

於是好心人就話: 其實個名好易記, 你記住"踢波", 自然就會記得佢個名架啦....'

到做PA 時...
同事說:'各位乘客, 今日我地既機長"踢波"將會係 10小時39 分鐘後帶到你地去香港....'

不久, 老總經過, 咁o岩到有心人, 就問:' 邊個做PA 架? 佢做乜叫左隊長做"踢波"? '

其實有心人只係想教同事一個易記d 的方法, 從來沒有講過讀音同"踢波"一樣喎, 想不到她竟然就這樣說了出來....

忽然再想起自己的名字, 十個有九個都讀錯, 或者唔識讀, 又或者唔識串....

p.s. 唔好意思, 隊長, 開左你個大名