苦中一點樂

第 546 次飛行

前往三藩市的航班, 總算可以暫時遠離一下成千上萬的特別餐....

不過在商務客艙工作的我, 都遇到不少大大少少的問題....

特別餐不夠, OVEN 位不夠, 小朋友很多, seat chart 離奇不見了, 小薯不小心將乘客飲過的茄汁由我的頭淋到落腳....又不小心將整籃包跌哂落地....等等...

另外有感不同皇后的service standard 都不同, 就算跟哂training school 所教的, 都未必得到她們的歡心, 很難服侍....不過我自問已經盡了力.....

(我到現在都不明白為何serve cheese 時, 要用兩隻serving 大叉, instead of 兩把食用刀 + 一把食用叉....)

不快樂的事情就不想再提....

講一件令我發笑的小事吧...

我負責的zone 有很多小朋友....

於是我與小薯就談及小朋友來...

以下是其中一段對話:

小薯: 阿姐, 你結左婚未呀?

我: 未呀, 連仔都冇呀!

小薯: 你都未結婚, 梗係冇仔啦...

我: 我指既仔即係男朋友喎...

有著這可愛的小薯一起工作, 為我這班機上增添不少快樂......