去馬尼拉做特工?!

第 541 次飛行

很久沒有去過馬尼拉, 機程又短, 又時時都Full load, 我本人很怕那些ID 同事們, 現在在那裡停留連一個仙的津貼都沒有...所以我絕少做....對上一次去馬尼拉, 我估絕對可以用"N" 年來數....

基於不能換走的關係, 豪俾佢!!! 哈哈....

我時時麻醉自己, 兩個鐘者, 兩個鐘者...好快過架啦...好快過架啦....

有小朋友知道我要飛, 問我:"你今次去邊呀?"

"去死呀..." (我總是不喜歡告訴他人我去哪裡, 因為我知道之後要回答更多更多的問題, 覺得很煩厭...)

"又係咁答...哼....咁你幾時飛呀?"

"聽晚..."

"咁你幾時返?"

"你訓醒個時我已經返到黎香港...."

"o下? 你聽晚去做特工呀?"

有時很喜歡與小朋友說話, 因為他們的想像力永遠都很豐富, 令我發笑....
這晚我與好友一齊飛, 可惜她做upper deck, 的business class,  而我就做main deck 的economy class...

升上紅魔後, 孤菇第一次在economy class 操刀!!!

首先當然要向老總說聲自己第一次在economy class 操刀, 讓她有個心理準備都好....嘻嘻...

其實在economy class 工作不是難...數餐又是這樣數....只是數目會大了, heat 餐也與平時一樣, 總之夠熱就可以了....唯一我覺得難既就是一次過要看著4 位同事工作, 有點吃力....

幸好大家都很合作, 令我安心不少....

第一次在economy class 做紅魔的感覺是galley work 也幾多....有時要幫手preset 定d 飽飽, 讓同事換cart 時也快點, 又要出cabin 去為同事補給飲料...等等, 還有要幫手應call light....

有一次, 我去應call light, 應完後, 有人從後拍拍我, 我轉身看看究竟時, 那乘客對我thumb up 再說:"well done!"

原來她是一位ID 同事....

那天的ID 同事有幾十位, 即是在這兩小時的機程內, 我是長期被人監視著的! 諗落有少少恐怖....
兩程機都多得老總來到economy class 幫手做service...多了一雙摩打手, service才可以快點完成.....
在economy class 內, 紅魔是最大的, 所以safety 方面要check 得十分仔細, 就算pre-landing 幾忙也好, 自己的下屬幾好都好, 都要親身自己去check 一次cabin! 何解? 今次我check cabin 時, 當captain 叫"cabin crew, please be seated for landing" 時, 機尾4 個洗手間有兩間還有人在!!!! 拍極門都不出來, 原來他們在洗手間內刷牙!!!! ai ya....你們都就快返到屋企, 返屋企先刷啦, 好冇??? =.=|||
忙了兩小時, 終於到了馬尼拉, 感覺就好似發了場夢....因為忙完一輛, 就降落, 連吃一點東西都沒有時間....
最後我取了機上兩份三文治, 在前往酒店的車程中慢慢食....但吃完一份, 已經沒有心情再吃第二份....
到達酒店後, 睡不夠3 小時, 又要起程回港....
為了令自己提神, 我預先買了罐咖啡吊住自己條老命回港....
上前向老總道謝時, 她說我做得不錯....我實在感到好安慰....
以我這新人來說, 總之我沒有為其他同事帶來麻煩, 我已經心滿意足.....
飛完這一轉的後感是: 在business class 工作體力勞動多點, 在economy class 工作, 不單止有體力上的勞動, 連精神壓力都多點....
飛這班馬尼拉奪命午夜狂奔捱夜的疲憊度, 仲嚴重過飛一班要捱夜的長途機.....

整個人是飄著回家的!

絕對不想有下次....