可愛的新同事

第 542 次飛行

放完大假後, 第一班機又是要去做特工, 不過今次不是去馬尼拉, 而是去台北....

再一次在economy class 操刀! 由於今次機內一共有3 個economy class 的galley, 所以我們3 位紅魔要有好好的默契...這個問題不大....

再一次要應付special meal, 不要低估台北機, special meal 有時也會幾多....今次來回都有大慨20 個special meal, 不過幾乎我學過的special meal 都出現在那個special meal list 上... =.=

今次與我一起工作是兩位台籍新同事.....

(以下的對話大慨如此, 因為都隔了一段時間, 所以對話可能有少許出入, 但意思沒有出入..)
到達台北後, 其中一位新同事走到我身邊說:"阿姐, 我帶左件suitcase 過黎台北呀, 我應該早d 講聲俾你知.."
我回應:"唔緊要, 呢個係你既homeport 黎架, 所以你check in suitcase 冇問題架! 但xxx (老總)知道未呀?"

"我頭先同佢講左啦, 唔好意思,而家先同你講..."

"唔緊要, 總之老總知道就得架啦....我冇乜所謂..."
"我聽日返到香港, 有幾日假, 會catch flight 返黎台北(返屋企), 所以先要check in suitcase 咋.."
"哦....咁你一陣返屋企放低件suitcase 先, 等你聽日catch flight 方便d?"

"不是啊!!!"

"咁一陣會有朋友/親戚黎搵你, 幫你拎行李返屋企? 定係你留低件suitcase 係酒店?"

"都不是啊!!!"

"..................我唔明啊.............."

"我聽日返到香港, 唔想返去gold coast 拎返件suitcase 再去機場catch flight呀, 好麻煩呀...所以帶埋件suitcase 飛呢轉台北...."

"即係你聽日又將呢件suitcase check in 返去香港?"

"對啊!!!"

"咁你點解唔放件suitcase 係公司呀? 返公司車程好短, 如果你放件suitcase 係公司, 咁你聽日返公司拎返, 都可以好快咁catch flight 返台北...唔洗特登拎住件suitcase 飛呢轉麻..."
"ai ya....人家第一次catch flight 啊, 所以唔知道應該點樣做...."
每次與新同事飛, 她們總會做一些令我哭笑不得的事情.....
這位新同事帶住大大的行李箱來台北走一轉大運, 真的.....
很。可。愛
是晚做特工好過上次去馬尼拉做特工, 首先service 易好多...另外我多了一至兩小時休息時間 (雖然都是不夠), 還有我來台北的唯一目的 - 前一晚訂了第二天凌晨4 時許來取的三文治 + 姿飯 + 豆漿....

這次我特地叫了4 份姿飯帶回港讓家人試試, 怎料不到一個下午, 大家已經食光了....

有位小豆丁吃完一個後, 還想吃多個!!!

大家似乎已經將塑化劑的危機感拋諸腦後....