試鏡?!

 

2006.05.19

 

 

 

桃園的街景

 

小巷

 

給爸爸的烏龍茶

 

我最愛的珍珠奶茶

in Taipei
來台北都不知來了多少次...無論是long stay, overnight, 定係 split, 我去的地方和做的事都幾乎一樣...首先就係去誠品書店, 雖然我次次都會去, 但我次次都好驚過個條有交通燈都廢的馬路...

去到誠品, 就會睇下有冇自己喜歡的小說, 旅遊書, 或者幾米的作品, 還有最重要的postcard 啊! 今次就冇乜收穫啦, 小說就睇唔中, 幾米的書我係睇中左既, 有一式5 集的"失樂園", 同埋有最新出版的藍石頭... http://www.jimmyspa.com/solo/index.asp 但如果買哂會好貴, 又諗起自己屋企個櫃都冇乜位再放, 加上想儲番個錢, 所以最後都係打消左個念頭...

最後只係買左兩張postcard 就走人...
之後就係例牌去買老豆鍾意飲既天茗烏龍茶, 然後再去便利店買少少野番酒店食, 其實我想幫襯街邊個檔, 但頭行經過唔見個女人個檔, 連佢個攤檔都冇左, 真係有點掃興...

 幸好, 賣珍珠奶茶個檔仲係度, 買左杯黎飲...呢度飲珍珠奶茶真係好平, 只係台幣25蚊咋!

今次有點特別就是...我有帶埋相機出去, 影左少少桃園市的景色, 雖然冇乜特別, 但因為我想係呢度post 下d 相, 所以我部相機係時候復出啦! 哈哈!

仲有一樣野特別就是...我行行下街, 竟然有個女人截停左我, 同我講左一大輪野..因為我唔係太識聽國語, 所以明d 唔明d...聽聽下, 我明啦, 佢講左好多我個樣既野, 但又係唔知佢講乜, 總之最後, 佢係叫我去試鏡...

我的確冇聽錯, 因為佢講左好多次...我心諗, 唔係掛? 

好耐好耐之前, 我係香港就試過既, 但而家既我, 已經唔鍾意啦...

之後我同佢講 1. 我唔係好識講國語, 2. 我根本都唔係台灣人...就係咁...甩身!

番到酒店, 永遠對我來說, 係一個暫時最安全的地方...