新人

2006.05.23

第 173 次飛行

首先我要講既野, 我唔係唔鍾意同新人飛, 但如果同新人飛, 我要付出多一倍的精神出黎工作...

今次呢班機, 成個galley 有 4個bc 加一個阿姐, 當中有兩個係新人,  有一個之後有班機同我做過, 上次同佢飛都有少少問題, 派野的時候, 好多野都係stop 係 door 4, 上次佢已經激死左佢個partner, 今次都幾乎係...

而我的partner 只係做第2 次long flight, 所以我自己心裡有數, 但結果出左黎係, 比我想像中有d 出入..

 好似 on ground 的時候, 佢唔見左人, 唔知去左邊...

到差唔多 boarding, 我終於見到佢啦! 到做service 時, 佢唔小心地漏左俾drink 俾一個客人 (呢個情況其實間唔中都會發生, 但今次的後遺症比較大, 一陣再講), 做完 collection, 番入個galley, 成look 木企係度呀!

 咁好啦, 我搬個blue drawer 番上個galley top, 再clear 埋個blue drawer, 平時我一做完 collection, 我就會去賣bar, 但今次我見到咁, 就幫佢地set 埋個snack bar 先走..但當時阿姐已經dim 左 cabin light, 真係去乜鬼呀!

anyway, 我結果都去左一轉, 因為呢個始終都係我的工作, 做完, 番到galley, 仲係見到佢地兩個企左係度, 咁我就做close bar, 佢地兩個其中一個(唔係我partner) 識做咁, close 番佢自己個邊...但我partner 就只係企係度, 咁佢係1 st group, 我係 2 nd group, 我就叫佢不如食野先, 點知佢話怕係阿姐食之前食唔好...唉...原來佢一直都係個galley 度擔心呢樣野...

 我close 完bar, 就去整d disposable cup 既野, 整整下, 都係同一個galley 做野, 比較 senior同事o岩o岩去完 j-class 幫完手番到黎, 先發覺原來佢地兩個係我地兩個勁忙做野的時候, 冇check washroom, 我唔係想話junior 要負責check washroom, 但一向我地一做完service 就會有同事去check 一下, 當時我要賣bar, 而另一個同事去左j 幫手, 佢地兩個又唔qualify 做j, 係galley 度好得閒, 呢個時候最好就係一個set snacks bar, 另一個去 check washroom, 個senior 知道佢地冇check, 終於都講左句: " 平時我地做完 service, 都要 check washroom 架!" 之後佢就走左... 

係呢個時候, 就等我講番我partner 唔記得左俾drink 俾其中一個客的後遺症啦! 其實基於當時做service 的位置, 我係根本睇唔到我partner 冇俾drink 俾佢, 我更加估唔到個客會嬲到咁...

 事後我都係經阿姐同我partner 講, 我先知發生左d 乜野事, 事後, 係rest period 時, 我已經聽阿姐講, 時時都問佢要唔要red wine 同 water...但佢都唔要, 後來佢要d 野食, 我俾左 sandwiches俾佢, 佢鍾意食, 我俾多兩個佢...點知佢都仲係黑面..唉..仲要入黎galley 要野時, "hum hum"咳兩聲, 驚死人唔知佢係度..

 之後我更從紫姐得知呢個客衰到去左j-class 的washroom, 仲要同紫姐講: " i m from economic class, u are not doing ur work, u are sleeping!" 佢究竟發乜野神經??

  其實我個人覺得, 唔記得俾佢drink 係我地唔o岩, 但佢都唔駛咁掛...我估佢都唔知係唔係上機前有d 野令佢唔開心, 之後又冇俾到drink 佢, 佢就小事化左大呢? anyway, i hv done my best...最慘係錯不在我啊!

講番新人, 再重申, 我真係唔介意同佢地飛, 因為我知道人人都新過, 自己都係過來人, 係就係train 過, 但一online 做野, 就完全同 training 唔同, 完全係兩回事...好多野都要你自己去執生, 同埋累積經驗, 我起初都係好多野唔知, 但只要你問, 就一定有野俾你做...同新人做野, 做得慢都仲ok, 但我最怕就係見到佢有d 做錯, 又或者好似成look 木企係度, 都唔知點出聲, 出聲, 又怕俾人話自己扮阿姐, 點人做事, 俾人唱開個名就唔好啦! 加上我又唔係呢d 人...好多時, 我都唔出聲, 既然你唔做, 我自己做埋去, 又有乜所謂, 但倒頭黎, 係自己辛苦囉...

好似我阿姐同個比較 senior 的同事都同我講有乜野真係要同佢地講, 但我就永遠都係講唔出口個隻, 有時真係唔知點講, 要我講, 不如我自己做埋去好過囉! 有時我諗, 我咁做, 可能害左佢地..唉, 做人真係難啊!

好彩既係, 今日唔係full load, 唔係都唔知點算...

大家唔好以為我打呢篇野, 就代表我唔開心, 我只係想講下自己的感覺...