飛機餐選擇

2006.05.20

第 171 次飛行

起程番香港啦!

但一諗起要經一經東京先, 就真係有點...

明明係台北飛一個鐘就可以番到香港, 但因為公司的pattern, 要兜個大圈, 先番得香港, 來來回回, 都要成6個幾鐘...

今次我想講下既就係main course 的choice...

 通常我做東南亞機, 最希望就係兩個choice 都係飯, 因為好多時, 我問d 客想食乜野的時候, 就算我講哂d choice, 佢地有飯就得個隻..試過有時d choice 冇哂, 冇左既choice 咁o岩又係配飯既, 咁就有少少煩囉, 試過有個客同我講: "點可以冇飯???"

不過當兩個choice 都係飯個時又點呢? 佢地就開始揀料啦! 好似今日咁, 兩樣都係飯, 但一個就係雞. 另一個就係蝦...d 客一聽到係海鮮, 就唔要佢地從前最喜歡的雞!!!

 因為平時我做service, 一有chicken , 佢地就一定要 chicken, 所謂 "無雞不歡" ! 哈哈!

 但今日呢? 佢地一聽到有seafood, 就....

  番黎個程, 有牛肉飯同埋海鮮意粉, 佢地又係一聽到seafood 就...

 其實我本身一早已經睇到個意粉好正, 眼見一個又一個意粉送到乘客那裡, 真係有點心痛...

我怕一陣我又冇得食自己喜歡的choice 啊!

 最後, 我當然勁hard sell 個牛肉飯啦! 哈哈!

 不過今日我一見到個牛肉飯, 就令我諗起吉野家, 因為個賣相真係有d 似...

起初做呢份工, 我以為派餐係好易既, 但做落先發覺, 每個款的數目有限, 同埋成日都有乘客一面倒都係揀同一個choice 的問題, 所以係言語上面真係要有少少technic 咁sell 先得

唔知大家鍾唔鍾意食飛機餐呢?

 人地成日話飛機餐唔好食, 但我覺得自己公司既都ok 啦..

番到屋企, 我成日個散哂咁濟...

點知我check 自己個roster, 發覺有問題, 結果搞到成凌晨4 點先訓..