總結

2006.05.22

第172次飛行

連續兩日都係訓得4個幾鐘, 今日的我真係去到邊都打呵欠...

飛埋番黎呢程, 可以黎一個總結...

1. 真係好多 domestic worker.

2. 佢地好鍾意打包d cup 同 blankets, 點解我會知? 因為昨日我做collection 時, 發覺好多杯都唔見左, 仲有今日check cabin 時, d blankets 真係少左好多, 但我又唔會叫佢地拎番出黎, 我隻眼開隻眼閉, 總之唔好俾我親眼見到佢收埋d 杯就得啦...

3. 佢地好多都識講普通話同廣東話

4. 有禮貌, 乜野都唔該前唔該後...

5. 我都未問佢地飲乜野, 佢地就話要橙汁..

6. 佢地好鍾意飲coffee 架!

7. 發覺佢地個個都差唔多樣, 原來佢地出國打工, agent 一定要佢地剪個短髮..

8. 我發覺去泗水同係泗水番黎的worker 個look 好唔同, 番黎個時, 可能因為佢地係第一次出國, 所以個個都好乖, 衣著都好樸素, 但昨日去的時候, 可能佢地已經係香港一段時間, 變壞左少少啦, 化哂行妝, 仲要著住d 好貼身的t-shirt, 迷你牛仔裙, 真係睇到我眼都凸!

暫時諗到咁多咋! 飛到今日, 已經好累啦! 明天再繼續呀! 今晚要好好睡一覺..