放完長假的後遺症

2006.11.29

第 215 次飛行

其實已經好累, 不過再唔打blog, 我諗有排都打唔完, 所以打住一篇先...

孤菇終於放完大假, 第一班機就係經新加坡, 再番曼谷...自己用左兩日假換番黎既, 為左見貴人, 作出了好大的犧牲, 因為如果唔係要見貴人, 兩日假, 我一定換日本機囉! 不過唔緊要啦, 話哂都叫係有d 寄託麻! 到呢一刻, 我都覺得換到我個兩日假的crew 真係執到...haha!

今日個老總都幾特別, briefing 的時候, 佢竟然要我地section leader briefing 先, 然後再一齊做briefing, 講番之前section leader briefing 傾過d 乜, 就好似一group group discussion 完左之後, 再回報俾老師知咁...哈哈....搞到個氣氛忽然好緊張,其實老總只係將briefing的形式轉左少少者，但就搞到我地驚一餐...尤其是我囉! o岩o岩先放完大假, 第一班機就咁, 真係驚架麻!

今日兩程機, 第一程香港去新加坡唔full, 都叫係賺左一程啦! 仲要做早餐, 話咁快就做完, 不過最痛苦就係好多人要 blankets, 但又唔夠派囉! 仲有人要完一張唔夠, 要兩張...唯一的方法就係調高cabin 的溫度, 不過就熱到我死, 因為我要派餐, 要走走動動麻!

最慘就係出現左放完大假的後遺症 - 對腳抽筋, 好耐冇著住對高跟鞋不斷咁行行行啦! 做做下 duty free, 對腳抽得好勁, 起初我仲死頂行出cabin, 因為通常好快就冇事, 但今次就唔係, 抽左成15 分鐘有多, 好彩又唔係好多 order, 又差唔多到尾聲, 只好要同事幫幫手, 幫我搵items, 同埋收錢..真係唔該哂我partner 啊!

3 個幾鐘頭, 終於去左新加坡, 但我同某d 同事, 都感覺自己好似去左曼谷咁, 哈哈! 梗係啦, 我地個個都最唔想做黎緊的 新加坡去曼谷呢一程! 點解? 因為兩個鐘頭都唔夠, 但又要派餐, 仲要有choice 揀, 同埋又要派雪糕, 最慘係差唔多full load!!! 其實馬尼拉機都係兩個鐘唔夠, 但就冇choice 揀...點解新加坡去曼谷咁麻煩架?!  孤菇做左咁耐, 最怕做的一班機就係呢一班的呢一程...因為唔快手快腳, 真係做唔完, 不過最重要都係睇下呢程機有d 乜野客...睇黎我就唔好彩, 我個zone 絕大部分都係indian, 忽然覺得自己做緊 bombay 咁...見到佢地上機, 我都唔多理佢地, 等佢地自己慢慢調位調到夠, 因為我知同佢地講十句, 都係冇用...哈哈! 總之佢地唔好塞住條路就得啦!  另外仲有我幾怕的chum chum ( korean), 不過佢地唔係坐係我個zone, 唔關我事啦!

呢一程, 真係奪命, 我同我partner 已經做得勁快, 但我地都有同感, 好似做極都未完, 好彩既係我個zone 大部分人都食左 special meal, 所以派少好多餐囉! 不過班 indian 係咁問我拎ice-cream, 其實 special meal 係唔駛俾 ice cream 架! 不過阿姐話如果佢地要, 俾佢地都ok, 孤菇都冇所謂既, 有雪糕既話, 我一定派...

另外, 呢一程機有成60 位小朋友的演奏團, 有左佢地, 成架機都好熱鬧囉! 一take off 後, 同埋食完餐飯後, 佢地個個都企哂起身玩呀, 傾計呀!  搞到我地一班crew 係條aisle 行都好唔方便, 不過算啦! 我好明白佢地出國的心情, 可能好多都係第一次坐飛機, 所以好開心呢! 同埋我寧願做一班小朋友, 都好過做一班成年人..哈哈!

終於到左曼谷, 但一諗起要行成20分鐘先出到機場, 仲要坐40 分鐘 shuttle 去酒店...真係要講句: long long way to go.....

不過一想起一陣就見到你....幾累都係值得既....