小孤菇長空中往返: 東京即日來回

2006.11.06

第 210 次飛行

可能昨天有番工的關係, 昨晚好訓左好多, 可惜唔訓得耐, 今日比昨日更加要早起身番工!

同昨天那班機相比, 今日的機辛苦好多, 首先就係去個程的香港團, 做cockptail 的時候, 好多後生既都要熱飲, 由於我部車只係得凍飲, 只好叫佢地等一等, 但佢地的面口好難睇....

唉, 算, 唔想講佢地...

反而想講下老總, 相信機上面冇一個人會鍾意佢, 點解? 因為佢係逐位同事搞...做service 的時候, 佢走落黎, 同阿姐說了一番道理後, 就同我說了一番道理, e.g 教我點執 cart top 等等等等...其他同事都遇到相同的情況...最慘就係佢要我地跟佢的service flow, 我地都覺得佢的service flow 的出意係好既, 但實質做又係兩回事...總之最後個service 係做到天黑都未做完.........我partner 仲話, 明知要同佢飛, 都swap in, 而家真係好後悔!

做完service, 時間已經唔多夠, 我仲要拉住個duty free cart 繞場一周, 做到descent 先搞掂, 總之呢3 個幾鐘真係忙到死....

而孤菇個胃又開始餓到痛....

回程, 好彩只係half loading, 老總就冇乜點落黎搞我地啦, 不過佢就搞前面d 同事...後來紫姐都頂唔順去左後面的galley 食野啦, 同埋吐下苦水, 佢話老總話佢條裙個叉開得太低, 應該再開高d 先得喎, 我聽完後, 笑左好耐....

我地空姐幾時變左酒樓的知客架?

anyway, service 完左, 幾乎所有同事都黎哂我個galley開party, 雖然老總係比較picky d, 但我地一班同事都玩得好開心呢!

對於我黎講, 老總唔係太好都唔緊要, 最緊要阿姐好人同埋我係galley 仲做得開心就可以了...同埋今年我已經同呢個老總飛左3 次, 所以已經麻木哂....

不過對於我的galley partner, 又一個懶同事, 未上客的時候, 我已經feel 到, 因為 ground preparation, 佢只係將d toileties 放係washroom, 其他工作, 全部都係我一手包辦...後來連佢的parter 都同我投訴, 都係個句, 同我講都冇用....

講完同事, 不如講下乘客, 總括黎講, 今日的客冇昨天既咁好, 另外有一件事更令我對某日本男人大打折扣...

話說, 做到最後幾行, 冇哂main course 的choice (今日有fish rice 同 chicken rice), 於是我就同坐埋一齊的兩位日本人解釋冇哂chicken rice, 問下佢地介唔介意要個fish rice...其中一位就同我投訴話黎的時候又係冇choice, 而坐係佢隔離那個就死都係chicken rice, 咁我只好要佢地等一等, 睇下有冇chicken rice 啦...(不過其實我一早check 左係冇哂...) 過左一陣, 竟然有一份chicken rice 出現左喎, 但今次就真係最最後一個啦, 另外阿姐拎左business class 的overflow main couse 俾我, 而呢個main course 係beef rice...於是我就同complain 冇choice 的日本人講而家有chicken rice, serve 左俾佢先, 然後我就同那個死都要chicken rice 的男人解釋已經冇哂chicken rice, 問佢介唔介意要beef rice, 但佢就死都指住menu 上面的根本都冇寫 beef rice 呢樣野, 呢個時候, 我冇哂辦法, 只好解釋呢個beef rice 係來自business class, 個男人梗係肯要啦! 點知當我拎住個beef rice 準備俾那個死都要 chicken rice 的日本人時, 那個同我complain 過的日本人竟然將佢個chicken rice 推左俾死都要chicken rice 的日本人的桌子上, 真係睇到我眼都凸...忽然間, 我覺得呢個世界, 人人都要自私的...........