行到腳跛

2006.11.12

第 214 次飛行

今早喉嚨勁痛, 見公司 7 點後都冇打黎, 打算食粒藥, 一邊訓, 一邊等stand by call, 點知食完d 藥冇耐, 就有電話啦...要我去新加坡...問我ok 唔ok, 我心諗, 我可以話唔ok 咩?!

死死氣氣咁番公司, 呢個時候藥力發作, 眼訓到我死...同埋我對眼望極d 野都係黃黃黑黑咁, 開始擔心自己究竟今日仲捱唔捱到8 點幾番到香港囉! 不過我都冇時間再去想了, 因為我已經上了飛機...仲要去同番都係 full load flight....

去個程, 兩個字, 混亂, 因為我個zone 差唔多全部都係mainland chinese...佢地個個一上到機就調位, 調到離哂譜....起初我都有幫下佢地, 但後來, 我發覺已經幫唔到啦, 因為佢地已經亂坐, 咁我就由得佢地, 只要佢地唔好塞哂係條走廊, 搞到其他乘客行唔到就得啦!  去到最後, 佢地搞到有兩位乘客冇位坐...要我係咁係cabin 行黎行去搵空位...真係辛苦死我...而航機亦順利起飛!

起飛後, 開始打仗啦! full load 的新加坡機, 想少d 麻煩, 最緊要就係做乜野都要快手快腳, 唔係佢地一陣要 2 nd helping drink, service 係3 個鐘內一定會做不完的, 有時唔係我地空服唔想做2 nd helping, 但時間真係唔容許我地咁做呢! 請體諒一下我地.... 不過呢班mainland chinese 已經比我想像中好好多啦, 都算幾乖既, 不過就成日聽唔明佢地的國語囉! 幾經辛苦, 終於做完一個service, 不過仲未完, 因為仲有duty free, 好彩有同事幫下手者.... 係呢程機, 發生左一個經常會發生的笑話, 話說有位外國人搵緊 washroom, 咁我同我partner 當時做緊service, 經過washroom, 見到有間washroom 係 "vacant" 於是就打開左, 打算叫那位外國人入去...點知, 我地一打開, 見到個mainland 女人坐左係度如廁...haha!  嚇到我同我partner 都尖叫一聱...仲要對到正...睇到哂d 坐姿....連位外國人都嚇親呢!

今日我的galley partner 係新一批的mu 同事, 佢仲要第一班機呢! 所以孤菇都預左會好辛苦...
回程, 冇左mainland chinese, 但轉哂做 typical 的singaporean...有幾typical? 要報紙, 有時都搞唔清佢地係新加坡人, 定係香港人, 佢地好似新加坡人, 但就係咁問我拎香港報紙......有個男人好貪心, 蘋果又要, 東方又要, 最後只係得蘋果日報, 佢話一定要埋東方, 因為有個topic 佢一定要睇! 佢話二手既報紙都可以, 但可惜我地一直都搵唔到二手東方呢! 連我阿哥都覺得佢麻煩...唉...咁想睇東方, 我寧願一陣落機幫你買份好過啦....不過講就咁講者...始終點死都要死一份俾佢既... 最後阿哥當然死左一份俾佢, 係呢度, 真係多得老總囉! 係老總先得閒搵 2nd hand 的報紙...哈!  後來同阿哥傾番呢個男人時, 我係度想, 有乜野 topic 一定要睇呢? 唔通係風月版?

呢一程雖然係typical 的 singaporean, 但我覺得呢一程係好做好多喎! 個個都好nice 架! 搞到我都好鬼死開心咁serve 佢地, 叫佢地等等, 佢地都冇變面, 好多謝乘客俾耐性咁等我....雖然係條走廊次次行黎行去, 都勁多order...但我都好樂意去做, 我成日覺得服務係雙對的, 客人對自己好, 尊重自己, 體諒自己, 我自然都會對佢地好好, 當我對佢地好好的同時, 佢地就會好開心, 少左好多麻煩, 而complain 亦會遠離我.......

可能孤菇同阿哥都趕住放工, 所以我地兩個係極速咁做野...而呢位阿哥係咁耐以黎, 新升既最efficient 的一個! 真係有效率到爆! 好鬼死鍾意同佢一齊工作...亦多得佢提點新mu 同事, 我先唔會做得太辛苦... 我做完 service 後, 我partner 都話我做得勁快, 梗係啦, 我地個邊做快d, 先有時間幫另外個邊麻! 我地做完, 另外個邊仲有成差唔多10 行未做完...  幾經辛苦, 佢地個邊終於搞掂...之後又忙duty free 的時間, d order 多到死...不過佢地好好, 個個都拎定哂 credit card...好多謝你地啊! 不過我partner 就睇唔過眼位新同事, 可能我partner 成日見到新同事企係galley 度冇野做啦, 就同我講: " 我想叫佢(新同事) 幫你手close 左d bar cart....但又好似唔係咁好...", 我話: "唔緊要啦, 一陣我自己close 就可以了.." 我partner 又說: " 你咁忙, 佢應該學下啦..." 我說: " 咁你同佢講..." 我partner 說: " 就係唔知點開口好..." 最後諗諗下, 我又真係幾忙...叫新同事幫下手都好...於是就叫佢幫我close bar cart...有時我覺得, 咁樣同新同事講, 唔係點佢地做野, 記得我o岩o岩join 的時候, 同事都有叫我做乜做乜, 其實佢地叫一叫, 我又學多左一樣野者..right?

後加: 最意外就係我做duty free, 行去商務的時候, 睇到任賢齊呀!!! 其實一直都唔覺得佢靚仔架! 但今日見到佢的時候, 又真係幾靚仔喎! 又高呢! 加埋佢對住我笑的迷死人的笑容, 孤菇立即鍾意左佢! haha!  最緊要就係, 佢係一位好nice 的人 <--同事們說...

終於番到香港, 上到巴士, 對腳痛到好似跛左咁...都唔知點解, 今日對腳咁鬼痛既...但想起有成兩個星期大假, 終於可以休息一下, 真係開心, 但我開始病了, 呢樣野係我最唔想發生的............

一日未去那裡, 一日未見到你, 一日都仲係有點擔心....孤菇唔想明天係機場訓呀!