ISPY

2006.11.08

今日係我今個星期的唯一一日假期, 但我連今日都俾埋公司...

話說, 8 月的時候, 我參加左公司一個programme 叫 ispy = inflight sales person of the year, 呢一個programme 係 自願性質...參加左之後, 就睇我9 月同10 月的total sale amount, 之後會揀最top 個20 個係呢兩日去做一個assessment, 然後再係每日揀兩位出黎, 揀出黎的4 位, 就要用多一日時間training 同做assessment, 再係 4 位揀兩位出黎去London 同其他airline 比賽...

今日我幸運地去參加這個assessment...其實呢排飛得好辛苦, 見今日咁難得的一日假, 真係有諗過唔去, 但還掂自己一個人係屋企又冇野做, 又成日自己一個人亂諗野, 所以當去拎個experience 吧!

今日有8 位同事參加, 上午就係聽書的時間, 聽到我差d 訓著...中午就去左lion rock 食 buffet, 但因為心情唔多好, 所以我只係食左appetizer 同埋dessert 咋, 真係哂左高層的一番心意...

下午就係assessement 的時間...

首先就係自己要作一段 pa announcement, 然後講番出黎...我覺得呢個task 係最難, 因為我未試過要自己作pa announcement, 仲要自己讀番, 同埋裡面要講好多好多野, 但時間只係得兩分鐘, 所以lunch time 的時候, 我特登早點離席, 去完成埋我那篇文章...呢一個部分順利完成, 亦係我最有心機做的一個part...

第2 部分就係 cart top setting, 我地一人有5 分鐘set 自己的cart top, 而呢個部分最恐怖的地方, 就係個judge 會搖個cart, 睇下有冇items 會跌出黎...如果跌左就要扣分....好彩冇者..

第3 部分就係做role play 啦, 睇下我地點sell d items...不過當然唔係咁簡單啦! 好多items 我地都冇stock, 所以真係有一定的難度, 同埋真係要自己執生囉! 其實呢個part 我覺得自己做得唔好, 因為當時已經好眼訓, 同埋開始唔多想去london 比賽, 所以得過扯過就算.........

最後就係向各judges 講下點解要揀自己去london 比賽, 忽然間好似選緊港姐咁...點解要揀我做miss hk 呀? 諗起都覺得好笑, 由於我事前乜都冇諗過, 所以呢個part 係最差....自己都唔知講左d 乜...

經評判商議後, 揀左一男一女去 final assessment, 當中梗係冇孤菇份啦! 其實自己都心中有數, 因為最後個兩個part, 自己都冇心機去做...佢地講入final 名單時, 我都鄧佢地開心架! 希望佢地順利去到london 比賽啦! 明天將會再揀兩位同事出黎, 係後日做final assessment....

然後就有大家期待已久的禮物, 不過我就有d 失望啦!

今日回家的時間好耐, 係巴士上訓左好耐, 起身的時候, 仲未到....仲要塞車....唉...好想快d 番屋企享受埋這天餘下的假期.....

而家日日都check loading, 仲刺激過睇股票升定跌呀!