Teamwork

2006.11.05

第209 次飛行

今日, 深深體會到teamwork 的重要...

我記得前幾個月我做過同一班日本機, 個service 唔單止亂, 仲要到captain 做descent announcement, 我地先開始 collection, 最後當然冇時間做duty free啦...

自個次後, 我對呢班機都有d 陰影, 但到左今日, 改變左自己的諗法...

今日去個程full load, 我心諗一定會好似上次咁rush, 但卻因為我地4 位小同事又有teamwork, 我幫下你, 你幫下我咁, 連老總都落黎同我做2 man cart,  最多得就係我的阿姐m, 佢真係好efficent, 一早prepare 另外兩個cart, 等我地番黎換cart...好smooth 咁完成一個service, 完全冇"呼天不應" 的情況發生, 一有call light 阿姐即到, 就算冇call light, 阿姐都成日黎repenlish...呢d 咁smooth 的service, 真係耐都冇試過!

不過仲要多謝乖乖的香港團同埋日本團...去個程同番黎個程都係佢地的世界, 不過佢地個個都好nice, 佢地唯一要complain 既, 就係經濟客艙冇magazine, 唉, 公司cut 左, 我都唔想...你地同我講都冇用...冇左magazine, 我都不滿...

昨晚只係訓左一個鐘就醒左...之後就眼光光由兩點望住天花板到6 點起身番工, 感覺到自己頸的位置係緊哂...同阿姐講開, 佢話我個樣仲好似好精神咁, 梗係啦, 番工麻! 唔精神都要扮下啦...不過一放左工, 我就累死... 係巴士上面訓的45 分鐘, 就係近期我最enjoy 的 45 分鐘.....

呢排身體差左d, 回程對腳成日抽筋, 好彩唔係full load, 不過都要死忍....

聽日又飛啦, 同事都話我癲, 而阿姐m 聽日catch flight 番屋企, 可能又會見到你啦...哈哈!

唯一想既就係, 希望今晚訓得著.......