2006.11.06
第210 次飛行
話說今日回程, 做cocktail service 的時候, 有位客人同我講佢跌左其中一隻耳環, 但因為我做緊 service, 而那位女乘客都明白呢一點, 所以佢話一陣同佢搵都ok, 呢個時候, 阿姐問我有冇野需要, 我就同佢話女乘客的問題, 阿姐就主動幫佢搵啦, 點知冇耐, 佢叫我拎個touch 俾佢, 而呢個touch 就係 y1 crew seat 下面那個for emergency 的touch! 我知道唔可以拎那個touch 既, 因為seal 一break 左, 就要寫report...但阿姐係都要我拎, 於是我就同阿姐講那個touch 係for emergency 喎! 而我地機上面其實有個黑色的touch 用, 點知阿姐仲話唔緊要, 係都要我拎那個emergency touch, 我同佢解釋左好幾次, 佢依然要我拎那個touch...最後, 我只好就範...由於我當時差唔多meet 到我的partner y1, 所以呢個情景都俾佢見到...
做collection 的時候, 我partner 問我點解拎左佢個emergency touch, 我就只好將個事實講左出黎, 之後佢同我講, 佢都明白, 但問題係而家佢既 crew seat 的touch 曾經俾人拎過出黎, 個seal 已經break 左, 如果而家唔report 俾老總知, 咁下一班機的同事equipment check 時, 發現到, report 左既話, 公司可能會追查番, 加上我partner 又就快升, 所以唔想因為呢件事而冇得升囉! 但另一方面, 我地都唔想阿姐有trouble...呢個我都明白, 話哂我自己都就黎renew, 而阿姐叫我拎個touch, 萬一公司追查番, 可能我都有事....後來, 我partner 同左佢前面日本姐講, 日本姐就打電話俾我阿姐傾呢個問題, 我阿姐勁講sorry, 話要d 時間消化下先...做哂service, 我行左去前面問日本姐同我阿姐傾成點...日本姐話不如作個story 俾老總...但當我同我partner 聽到之後, 都唔贊成, 因為tell a lie, 仲衰過唔講出黎囉!
到左最後, 我partner 就話決定唔report 俾老總知...我地4 個 (我partner, 我, 我阿姐, 同日本姐) 都要守呢個秘密, 如果有一天公司call 我地番去, 都要扮唔知, 我partner 亦會話唔知點解會咁...但我阿姐可能覺得guilty, 所以留哂電話, e-mail 等等的聯絡方法俾我partner, in case 有乜野事, 就call 番阿姐...因為阿姐都明白如果因為呢單野而升唔到係好不幸的.......
希望我自己都冇事啦! 話哂仲有兩個月就renew 麻! 
No comments:
Post a Comment