方寸大亂

2006.11.08 to 09

第 211 次飛行

平時的孤菇, 一定會分兩日咁寫blog 既, 但因為我而家的心情係惡劣, 冇心機打兩日blog, 只好 combine 一齊寫........

一切就由我出門口番工開始,

昨晚睇左3 集一公升眼淚, 睇到我今早隻眼腫到上唔到妝....

等等下車, 望望錶...先發覺自己隻錶壞左, 最後只好帶住隻壞錶番工...

坐坐下車, 聽到自己跌左d 野落地, 但又搵唔到, 又唔知自己跌乜野, 就落左車...

sign in 完, 望下自己, 發覺扣係 jacket 的wing 的扣斷左...立即上uniform section 拎番個, 點知係d 阿哥面前扣新的一個時, 又斷呀!!!! 有冇搞錯?!  同完阿哥講句唔好意思後, 又拎左個新...今次好小心咁扣番上去, 阿哥話, 而家個d wing 係另一間公司整既, 所以差好多...唉, 都睇得出公司越來越cheap, 有邊樣野公司係掂架?

最後搞到我最後5 分鐘先入briefing room, 而老總已經入左去添, 我變左最後一個, 真係唔好意思...

唯一好彩既就係一班好light loading 的flight....得80 幾個客, 阿姐最開心...全程都係 2 man cart, 真係好舒服, 但呢班機, 怪人特別多, 有幾個日本人, 係咁係機艙行黎行去, 我問佢做乜事, 佢話我知要換位, 問我ok 唔ok, 我話ok, 但佢係我做完 cocktail service 仲係度行黎行去, 真係唔知佢想點....

做哂 service, 大家好開心傾緊計的時候, 機上的smoke detector alarm 忽然響, 於是全機的同事都去左睇洗手間...其實好明顯知道有人係裡面食煙, 但最令我地嘩然係, 一開門, 有兩個日本男人行出黎, (我地成班女同事又諗埋d 衰野....) 仲要笑笑口....激死我地.......... 最後梗係要警告下佢地啦!

不過整班機最慘係一上機就冇哂時間的方向, 機上面的airshow 又壞左, 完全唔知幾點到達目的地...
終於番到香港, 當然係滿載而歸啦!  

 

 

落左機, 又係一連串壞消息....首先老總收到公司message 要我check roster, 其實昨日我已經acknowledge 左我班曼谷機將會轉aircraft, 昨晚我仲話轉aircraft 都冇pull out 我好好彩呢! 點知今日, 一check, 真係pull out 左我呀?! 有冇搞錯? 公司一鑊繞起我! 咁我點見你啊? 點俾ticket 你啊? 咁你點番香港呀? 咁我地點catch flight 去玩呀???? 公司轉我個兩日做stand by 唔緊要, 但佢一咁轉, 牽連到兩個人囉! 忽然間我方大亂, 首先打俾家兒問點算, 之後打俾你, 再之後打俾妹妹打算DHL 張ticket 過去, 然後再搵阿姐a 求救...問完大家的意見...我已經唔知自己想點....直到晚上, 搵左阿羊同水泡泡傾, 加上終於有時間同你詳談....聽到你諗到不同的方法, 如家兒所講, 你真係會買full fare 囉! 此刻, 我看得出, 你的確還蠻緊張的....另外, 今日一談, 我先知原來你前兩日入左院....唉, 成日出去玩都咁唔小心...冇眼睇.......

因為今日太多事要處理, 所以最後一集的一公升眼淚, 我分開左好多節睇, 最終睇左成5 個幾鐘先睇完, 的確係一個好感人的故事, 家人的支持真係好重要, 另外, 虛構的人物麻生, 由此至終都冇放棄過女主角, 雖然只係虛構人物, 但我相信世界上真的會有這樣好男人, 而且永遠都係患難先見真情, 忽然又想起自己...

俾公司咁到咁, 所有trip 要由頭再諗過....公司, 呢一刻, 我憎死你!