2006.11.16
原來打算5 點幾起身出發的, 但因為前兩日的行程令我地太累了, 搞到唔知醒, 起身的時候已經成7 點幾...
8 點幾我地就出發去 天安門西 join tour, 果然係同一班同胞一齊join, 由於佢地成日迫迫迫, 搞到我地兩個不是味兒...
都不知坐了幾多小時, 亦唔知訓左幾耐, 亦唔知位女導遊講左幾耐野, 我地終於去左十三陵, 點知去到, 我地先知要去左睇玉石展品先, 然後去 lunch, lunch 完先入去十三陵同長城, 我地兩個仲諗住早上去哂呢兩個地方, 下午去故宮麻! 而家咁搞, 即係去唔成故宮啦! 呢樣亦係孤菇最遺憾的一樣東西...
由於我地對玉器冇興趣, 所以周圍行下, 影下相算.............
離開十三陵, 再坐車去長城, 今次係第3 次去, 不過3 次去的感覺都不同, 第一次去係10 年前, 那時仲要"爬" 上去架...第2 次去係兩年前, 那時已經有石級俾我地行上去...但今次變化係最大的, 因為除了有長城外, 仲有黑熊睇囉...冇啦啦整幾隻黑熊都唔知關乜野事....
同埋仲有樣野唔同既係, 今次有滑車俾我地坐上去長城, 然後我地再行上去最高峰的那點...之前兩次因為上到長城那裡已經累到死, 仲點上去最頂點?! 但今次就可以了....
行呀行, 仲未到頂點....
長城, 果然係好長..............同埋企係上面, 好凍!
完全望唔到盡頭...
終於去左最頂點....望番落去................
夕陽無限好....我地番落去的時候已經係黃昏了, 係長城睇日落, 都是第一次, 感覺是....愉快的.
最刺激就係坐番滑車落黎....好似係空中飛馳, 因為冇遮冇檔, 所以滑落黎的時候, 可以一邊欣賞長城的景色...
塞了幾個鐘頭車, 先番到去city, 之後就係陪貴人買放 laptop 的suitcase, 其實一早就找到心水的, 但因為老板唔肯再減, 所以我地就再去其他地方搵, 最後都係搵唔番我地睇中的那一個, 貴人問我點好, 既然佢咁鍾意, 不如買左去啦, 其實 185 一個suitcase 已經好抵了, 最後孤菇去番那間店舖幫他買了這個suitcase....雖然幫唔到手講價, 但起碼都幫你入去買...點解貴人唔自己入去買? 哈哈! 因為佢勁唔鍾意個老板囉!
搞掂哂d 野, 已經9 點幾, 終於可以黎個dinner....又終於去到永和食啦...
剛剛習慣了這裡的生活, 但明天就要離開了, 我們都有點依依不捨............
No comments:
Post a Comment