小孤菇長空中往返: 酷熱的一晚

2006.11.29 to 30

當香港漸漸踏入冬天的時候, 曼谷依然都係 34 度....老實講, 孤菇真係好唔鍾意熱天, 不過要見貴人一面, 幾熱都要去....

孤菇去到酒店都差唔多5 點...期間同事都問我一唔一齊 shopping or 做massage, 以前我說我有朋友係度, 所以唔去啦, 之後大家都覺得好奇, 現在, 同事再問我的時候, 我說我男朋友在曼谷, 佢地仲更加好奇...仲有一定問好幾個問題: (1) 佢係thai? 孤菇答: 唔係, 係香港人... (2) 佢係個邊做乜? 孤菇答: 佢有自己的生意... (3) 做乜野生意? 孤菇答: blahblahblah.... (4) 咁你係唔係成日飛去搵佢? 孤菇答: 咁又唔係喎, 一個月一至兩次, 見得佢多, 佢反而冇心機做野... (5) 咁你第日要住係曼谷? 孤菇答: 唔係掛, 又唔係開始左好耐咋! 咁快諗呢d??? (6) 你點識佢? <--呢個問題...睇開我的blog 的 blog 友都知架啦! 不願多說...

以上的問題, 有成over 5 個crew 問我...下次都係作其他原因好過啦, 廢事又要答咁多問題...

約左貴人5 點半, 期間見到classmates, 原來佢今晚飛 karachi, oh too bad! 希望佢nice flight, 而我就繼續係 lobby 等貴人, 等呀等, 等呀等, 等到成 6 點幾都未黎, 雖然佢好多時都遲, 但都唔會遲成咁, 於是只好打俾佢, 佢report 俾我聽有 traffic jam, 其實佢已經見到我間酒店係對面, 但相信飛過去曼谷的朋友們都應該知個邊的highway 有幾特別架啦! 明明見到酒店係對面, 但要兜一個大圈先去到架! 就係呢個圈塞車囉! 於是孤菇一邊等, 一邊訓覺...結果我等到6 點半先見到貴人...孤菇立即跳上佢坐的的士, dinner 去!

今晚貴人話帶孤菇去食全曼谷最好食的海南雞飯...點知我地去緊的中途, 貴人又俾其他食物吸引住....首先就係下面的 toast...大家睇下, 唔係你地屋企用緊的多士爐呀! 而係呢d舊式的...我第一次見咋! 當然要影番張相啦!

之後我地仲買左 satay...就去食海南雞飯...細問之下, 原來貴人都係第一次食咋!

下圖: 右邊係雞飯, 左邊係豬肉飯...我同貴人都覺得豬好食過雞!

dinner 完, 貴人打算去玩紋身 (係甩得個隻...) 途經下面呢個街邊檔...下面的車車全部都係用罐整出黎架! 250 泰珠一架...我好想買架! 但要佢減又唔肯, 算, 影下相就算...不過事後 (直到今日) 我都仲好掛住d 車車, 早知個日買啦!

後來我地搵極都搵唔到紋身的地方, 所以決定去其他地方, 當時有兩個choice, 一係去 chinatown, 一係去 mall, 因為成日去outport 去chinatown 好悶, 所以打算去 mall...點知中途貴人介紹左下面的玩意, 就係坐艇仔...我勁鍾意啊! 於是我地坐艇仔去某個skytrain station 再去mall 啦!
聽貴人講, 艇仔係唔俾影相架! 不過我地偷偷地都影左好幾張...

船頭....一邊坐, 周邊的水花彈到我地周圍都係水....同埋好多人坐, 好迫囉!

坐坐下, 因為我地太專注討論同性戀的話題, 結果我地坐過左站!

黎左下面呢個地方...孤菇落艇時, 仲差d 跌左落水添! 一日都係艇長, 放左貴人上岸後, 孤菇仲未上得切岸, 艇長就想駛走架艇, 真係嚇死我...

由於太夜, 再冇艇番轉頭, 所以我地冇去mall, 去左robinson 幫婆婆買林真香, 就番酒店了...
全晚最驚既唔係坐艇仔上唔到岸個一刻, 而係坐的士番酒店途中, 差d 撞車, 前面唔知邊架車忽然係 highway 停左, 我地架的士立即剎掣...當時聽到好大聲的剎車聲, 點知我地架的士停得切, 後面的車又差d 停唔切...剎車聲就更大聲呢! 架車dup 到我同貴人都差點向前衝....孤菇自己已經好驚, 但身邊的人其實都好驚, 見到佢捉到我隻手實一實就感覺到...