沮喪

2006.11.10

第212 次飛行

今日又係飛即日來回, 但又唔駛飛成日, 飛半日者, 不過昨晚同你傾旅行plan 的問題傾到成兩點幾, 之後我4 點幾又要起身番工, 加上所有野俾公司搞到衰哂後, 到呢一刻好多野都未confirm, 所以今日都冇乜心機番工, 同埋覺得自己的笑容都幾假囉!

班機就冇乜特別, 做左咁耐, 第一次係那架aircraft 的商務客艙工作, 起初都怕自己唔掂, 但都尚算ok 啦! 另外, 好多謝阿姐的教導, 今日我又學多左d 野啦!

今晚同爺爺慶祝生日, 期間又收到你的電話, 告訴我機票的事宜, 最快都要黎緊的星期三, 四先知, 佢同我傾電話時, 都仲係笑笑口, 但今晚佢終於說了心底話...

一時間太多事發生, 前兩日你又病到入院, 生意上面又要train 人, 而d 人又train 唔掂, 係你最辛苦的時候, 收到我的long d call 話你知公司pull out 左我去曼谷的機...其實我真係plan 好哂, 但估唔到會搞成咁...我自己都唔想, 搞到你又要諗多一樣野, 忽然咁多野一齊黎...都唔怪得你開始唔想再去玩...講真, 我都有咁諗過...但見你一而再, 再而三去搵其他方法, 我先冇放棄, 但今晚, 睇完你呢段 message, 雖然你話唔係怪我, 但一日都係因為自己先搞成而家咁...好唔開心囉....月尾我特登swap 左班機番黎, 打算見下你, 上個月同你講的時候, 你係好開心的, 但昨日提下你時, 你竟然話點解唔swap 呢班機之前告知你一聲先....其實陪唔到我唔緊要, 但求見一見, 食個飯, 已經好滿足了....

我對你說, 如果真係太忙, 唔番香港都可以, 連唔去旅行都可以, 但你又冇話唔想去, 只係搞到冇mood 去...

想不到頭先係電話你仲係笑笑口咁講野, 但事後係msn 就打了那麼多感受...令我覺得我對你了解比自己預期中太少....

忽然間, 我開始諗, 我應唔應該繼續走下去....
同埋聽完你昨晚講過既野 (叫我swap 前講聲個d), 睇黎我 12 月 都係唔好黎...

有點沮喪, 短期都唔會搵你, 俾d 時間你自己去搞好d 野, 又俾d 時間自己係牛角尖行番出黎......