小孤菇長空中往返: 慘烈的困獸鬥

2007.06.03 to 04

第 267 次飛行

之前幾個月不斷做呢班機都唔full, 仲好light loading, 但今次..好不幸, 3 程都full load...

第一程, 大部分都係新加坡人, 雖然係 full load , 但問題不大, 只係有樣野我好唔明既, 就係full load, 我地後面 galley 有成3 個半cart, 但阿姐話派哂自己個cart 內的tray 後, 就番galley by hand 咁拎...而唔係換cart, 結果頭個程個service 好漫長...因為我極其量每一次只係拎到5 個tray....唉...

到第二程...簡直係惡夢...飛行時間兩小時都冇, 仲要有兩個choice 的main course, 又要派雪糕, 又要去茶, 咖啡...要係兩小時內完成已經好困難...最恐怖就係, 呢一程有成差唔多 130 個special meal 要派...(full load 只係得291 位客人), 可想而知有幾多special meal..而當中有110 個係 indian vegetarian meal, 而indian vegetarian meal 既 main course 佔左後面4 個oven (我地只得6 個oven), 最後兩位阿姐決定 indian vegetarian meal 同 normal meal 同一時間派...兩架 indian vegetarian meal 的 cart 係前面開始 (因為大部分食 indian veg meal 都係哂前面), 而normal meal 的 cart 就係後面開始...我就係負責indian veg meal 既 drink...做做下...我發覺有問題...我見到兩架normal 的cart, 竟然係前面一左一右咁開始派餐, 但同時後面右手邊又有一架normal meal 的cart去緊餐, 而後面的左手邊一架餐車都冇....即係話...坐係後面左手邊的客一邊望住右手邊的客有餐食, 自己又冇囉!

那個zone 坐左好多同胞, 佢地當然嘈啦! (唉, 俾我都會嘈...) 最後我只好等我partner 差唔多派哂 indian veg 的餐, 立即去左邊那個冇人理的zone 幫手....那一刻, 我只係聽到佢地猛咁同我complain, 但由於我的普通話唔多好, 所以都唔係好知佢地講乜...

就係呢個時候, 又有問題發生, 就係係business class 落黎幫手的同事 complain economy class 一位同事態度差....其實這個我一早留意到...但同事態度差的理由我都可以理解既...1. d 客真係幾煩下...機上面成個聯合國咁, 有 indian, 有 thai, 有 singaporean, chinese 同 korean, 仲慘過做bombay, bombay 都只係需要對住一個民族, 但呢班機有太多國籍的人要處理...唉! 淨係whisky 我都唔知開左幾多支, 仲要做service 時, 千祈唔好停, 因為一停, 佢地就會繼續問我拎 whisky with water...

2. 那位同事的partner成日冇交帶, 俾態度差既同事的感覺到成日要自己做哂咁... 所以做空服真係唔易...咁既flight, 仲要笑出黎, 真係幾辛苦下....

孤菇幾時先識笑, 就係有位媽媽要去洗手間, 麻煩我睇住佢個bb 一陣...那時其實仲未做完service, 不過我諗那位媽媽應該都急左好耐, 如果唔係都唔會係我地最忙的時候有這樣的要求...那段時間, 可以說有點時候抖下...當機艙內各同事好似打緊仗的時候, 我眼前的bb 仲嘻嘻哈哈咁笑...真係好鬼死羨慕佢仲笑得出...呵呵呵! 見到bb 笑時, 自己也深深被傳染了...

但同時當時希望那位媽媽快d 返黎, 因為仲有好多工作要做啊!

另外仲有d小插曲, 有位indian 女士係做緊 safety demo 時, 大鬧機艙, 話另一對indian 夫婦坐左佢同佢個仔個位...唉, 後來我勸極佢地坐低先, 等一陣 safety demo 完左就會佢地調番, 但那位indian 女士死都唔肯, 仲係咁鬧我...後來紫哥用好有權威的語氣同佢講先搞得掂...梗係啦....紫哥一出聲, 全世界都望住那位令大家起唔到飛的indian 女士...俾著我都瘀...

回香港那程, 本來都唔係好full, 但好多ID 客坐...搞到好似full load 咁...其實呢一程好過之前兩程了....不過communication 的問題依然存在...e.g 阿姐一冇講special meal 要整埋drink, 全世界都唔記得哂, 阿姐要三叮囑要整 special meal 的 drink 後, 依然有同事唔記得整埋drink 先拎去派...另外, 阿姐又係講到明只有child meal 同AVML 先有雪糕, 但有位同事又將阿姐的說話相反...另外, 昨日我辛辛苦prepare 的blue drawer, 有同事放左係個food cart, 結果俾caterer offload 哂...同埋做safety demo 時, 自己一氣過lift up 哂d 電視....其實所有事都係發生係其中一位同事身上, 而加上我已經係第3 次同呢位同事飛, 所以我最後忍無可忍, 要麻煩她下次記得要lift up d 電視...因為safety demo 要lift up 電視係同safety 有關, 所以我覺得對她說會比較好...至於service 方面...隻眼開, 隻眼閉算了..不過我都要多謝佢幫我手做duty free 既...