第 496 次飛行
一班札幌turnaround...
通常全機都是香港團, 自遊行人士...很多同事都不喜歡做這班機, 一來飛行時間一來一回太長, 又沒有休息時間, 二來香港乘客很麻煩...
不過可以自己對得他們多了, 加上自己又是香港人, 其實他們來來去去都是要某幾樣東西, 不難解決....
比起某些國籍, 香港人已經算好...
做空服難...其實做帶香港團去玩的領隊都很難...
這次從一件小事已經可以深深感受到他的無奈...
(由於隔了幾天才寫, 確實的對話可能有點出入, 但內容意思沒有變)
回程時, 機門差不多關閉, 有位領隊面有難色走過來問我:"小姐, 唔好意思...我想問你一個好得意既問題..."
"請問有d乜野可以幫到你呢?"
領隊繼續:"我有位團友想問下佢個件寄艙行李上左飛機未..."
我心想:"o下?"
然後我答:"應該check 唔到架喎(因為曾經有類似事件, 有人說查不到...), 不過可以問問地勤..."
但這時, 機門已經關閉....
我問領隊:"你地所有行李不是同時間一齊check-in 架咩?"
領隊再解釋:"係一齊check-in, 其實個情況係...我有位團友, 佢check-in 左個LV行李廂, 咁佢上左機後, 話見到佢件行李仲係飛機隔離, 未load 上飛機, 所以佢而家好想知佢而家件行李上左飛機未..."
我只好答:"正常的情況下, 所有check-in 左既行李都會逐一運上飛機, 咁可能頭先未load到團友的行李..."
領隊手持check-in 行李時的label 問:"咁係唔係我有呢d label 就問到件行李上左機未?"
"呢d label 你要keep到去到去香港, 萬一真係唔見左行李, 就要靠這些label"
領隊說:"咁我話俾佢聽件行李已經上左機啦..."
我回應:"我唔可以叫你咁樣同個團友講, 因為我唔可以 100 % 保證件行李一定上到機, 我只可以說正常的情況下, 行李應該已經上哂機, 但唔排除中途有乜野意外...就算件行李上左機, 成功返到香港, 亦都有可能係運送去行李輸送帶時出現錯誤....總之keep 好個幾張label..."
領隊最後都係決定同團友講件行李已經上左機就算...
望著十分疲倦的領隊, 完全感受到他的無奈....而坐在附近的另一名領隊都很關心他, 問他怎樣解決問題...
領隊最後說:"唔好意思, 要你咁難做..."
我微笑回應:"我諗你難做d..."
由於我與領隊都傾了相當久的時間, 所以事後, 有兩位阿姐走來問我剛才發生什麼事....另外我也有責任要將事件告訴給我的阿姐....
她們一聽完事件, 特別是聽到"LV 行李廂"這5 個字時, 都露了不屑的眼神...哈哈哈哈...
"話唔定, 唔止得佢一個check in 左LV 行李呢~!"
老實說, 去旅遊時, 我真的不建議用一個名牌的行李, 還走去check-in, 即是引人犯罪....
***
派餐時候, 遇到另一位香港女客人
由於我partner 日本人不明白她說什麼, 於是我去看個究竟....
"小姐, 請問有d乜野可以幫到你?"
她說:"喂, 你叫坐我前面個客拉返椅背上去!"
我答:"小姐, 唔好意思, 呢個係新設計的座位, 只可冼上冼落, 而唔可以拉上拉落架..."
她回應:"總之你叫佢拉返張椅上去!!!"
我:"............"
之後我再說:"呢種座位既椅背已經係定死左係咁樣, 係拉唔上....同埋, 麻煩你唔好再拍張椅背.."
她說:"咁點呀? 而家我dup低頭食野, 個頭撞到椅背喎...", 她還開始不斷拍打自己的頭....
之後我叫日本同事借個位置讓我看看這位女乘客的座位, 因為我覺得奇怪, 為何其他人都沒有這個問題, 偏偏只有這位女客人才有頭撞椅背這個問題呢?
一看, 就明白了...
原來...她是可以將檯子拉出一點, 這樣便不會撞到頭了....
坐在隔鄰的女兒, 一直沒有說話, 只是望望她....然後繼續享受她的晚餐.....
有時真的不明白, 為何乘客那麼小事就那麼激動....
No comments:
Post a Comment