成田12小時

2007.06.06 to 07

第 268 次飛行

冇update個blog 幾日, 我已經飛完東京回來了....

這班機並沒有什麼特別...清一色日本人, 同埋去程, 唔知點解會 full load 既, 同事們都說, 時時做這班機, 唯獨是今次係full...不過飛行時間咁耐, 做完 service 仲有大把時間剩...

service 完後, 又一疊疊 order 飛埋黎...order 真係太多...只剩個幾鐘的時間, 根本冇可能做得哂...幸好今次有成6 位壯男 (不知為何, 這班機的男生多得很....), 還有同galley 的同事c 幫手, 一齊斫開d 好難開的 comparment, 再搵items, 再 deliver...真係誇張, 要成8 個人合成先清得掂d order, 真係要謝謝大家!

去到成田, 又勁多人出去 aeon centre 喎, 成 2/3, 平時我做呢班機, 個個都只會去隔離的便利店算了...所以這次真係好熱鬧呢! shopping 到11 點, 我地再坐的士番去酒店附近, 諗住食魚生飯啦! 點知那間店說沒有飯...唉..沒有飯 = 什麼也沒有, 所以最後我地去左第二間食牛肉飯... 食到成12 點幾先番酒店...回酒店, 我地仲係便利度遊左一陣...

唔知點解, 男同事一多了, 整班機的氣氛都好似唔同d, 熱鬧d...

有兩樣野不是太如意...

1. 我地係東京住的酒店, 我一向都唔多鍾意, 因為10 次有9 次我都係訓唔著既, 今朝起身時仲慘, 間房唔知係唔係有蝨, 我的面, 頸同手腕都被咬了...最煩係塊面, 要花一點時候去遮蓋那痕跡....到呢一刻, 手腕那痕跡還未消....(同埋又係唔知點解, 孤菇呢排成日都會俾野咬)

2. 就係我對新鞋, 話說我前一天去左買新鞋, 我一向都係著36號半, 點知今次去度的時候, staff 說我應該要著37號...起初她們仲俾左37號半我試添! 不過最後都係買左37 號... 點知今次一返工, 就知出事了, 對37 號鞋的確有點大...但孤菇又冇帶鞋墊...最後只好頂硬上做左呢班機...行的時候有時會拖下拖下, 好辛苦...同埋一著新鞋, 我對腳一定痛! 昨日還好, 但今日企足4 小時, 落機的時候, 對腳痛到好似已經唔係自己了...仲慘過做完班new york flight!   其實我覺得自己應該著番 36號半既, 不過對鞋飛完一轉, 已經有點花了, 所以想換, 應該不可以了, 今次真係要謝謝"康博士"...

最後孤菇少有地唔去趕巴士, 選擇去洗手間換走身上的制服, 最重要係換走對鞋, 穿上涼鞋個一刻, 真係好想係洗手間呼叫: 爽呀~~~~!  

飛完呢一轉, 明天又見到仔仔了....