小孤菇長空中往返: 身心已經很累

2007.06.17 to 18

第 273 次飛行

今次3 程機...又係 roster 既, 避唔到...

第一程去曼谷, full load, 好多港人同外國人..呢一程應該係3 程中最易做的一程...

第二程由曼谷去新加坡...成個經濟客艙都係國內同胞...佢地其實都ok, 不過佢地又係做左一樣我最憎佢地做既野....就係....影相....你地自己影就好啦, 點解要影空服?

如果你叫我同你地合照, 還可以, 但千祈唔好次次我一出 cabin, 你地就影, 好冇? 出 cabin 又影, 我做service 又影...連我轉身俾杯野飲你地時, 你地竟然用手機影著準備著...影!

不過我係咁同自己講..."可能人地唔係影我呢...係影我的男同事partner 呢......", 但最後做collection 時, 因為我係自己一個人去做collection, 這次佢地又影...仲要係機尾隔住條aisle 咁影過黎...我立即叫對面aisle 的同事c 幫我叫佢地唔好再影...相信個一刻我個樣一定好惡...

一輪困獸鬥後, 終於到左新加坡...因為已經連續飛左幾日, 加上我的新加坡朋友已經走左, 所以就與同事c 去左附近foodcourt 買d 野食就回房休息...由於與同事c 飛過, 所以都有一兩句傾下, 她也說我瘦了...真的嗎? 其實自己就唔多覺....不過最近真係好多人這樣說....

回程, 體驗星人的厲害! 亦係我覺得最辛苦的一程...話說今日有雞飯同埋牛薯...做到最後個幾行, 雞飯當然冇哂啦...我如實同d 客講...個個的反應都係 "我唔食牛架喎!", 由於最後幾行, 好多都係一家幾口...一個唔食, 成家都唔食...就算我拎埋business class 的餐黎派, 都滿足唔哂佢地的需要! business class 那個餐係魚飯, 但係辣既...俾佢地食魚飯, 又話唔食得辣, 救命! 辣又唔食, 牛又唔食得...我真係想同佢地講: "如果你地係唔食得牛既, 下次麻煩order special meal.."

, 有d 雖然話唔食牛, 但最後驚死自己冇野食...死死氣氣都要食牛...不過我最唔滿意係佢地的態度....一聽到冇choice 就發癩...尤其是d 星女人...真係難搞....係咁嘈嘈嘈, 嘈到對面aisle 的男同事說: "若你地有什麼不滿意的地方, 我俾張 comment form 你地, 你地可以同公司反映..." 男同事對我說: " 我冇氣同佢地傾.." 雖然我serve 佢地時, 我仲係笑住, 但我諗我已經好面黑...

而最後, 我的 crew meal, 就係個個都唔鍾意食, 揀剩的牛薯...食個一刻, 都覺得自己幾淒涼....

另外做duty free 時, 有位 korean 拎左我本booklet 睇, 點知佢每揭一頁前, 都會將佢隻手指用口水舔舔先揭...最後差不多每一頁都俾佢舔過, 佢order 完 duty free, 竟然將本書俾返我,我死都唔接..說: " it's ok, i can take another one..." 立即拎左佢隔離位未開封的 booklet 走人...回galley 洗手....

除左客之外, 有時同事間都會出現問題..今次的老總比較麻煩, 好多細微既野都捉...所以真係要好小心...就好似我開罐咁, 用冇用can opener 開, 而同個scoop 開..都俾佢話過...而今次, 老總assign 同事cc 做announcement, 係曼谷去新加坡個程, 老總忽然打電話黎要同事cc 做左announcement 先播 safety video, 但我搵極都見唔到同事cc...就係呢個時候, 我終於見到同事cc, 咁我立即叫佢做announcement, 點知同事cc 仲要去door 5 拎番本PA book 黎照住睇而做到...由於已經隔左好耐, 我怕老總一陣又打電話落黎追,所以我問了同事cc 今日captain 係邊個, 我就拎起個interphone 做announcement...點知做完, 老總問邊個做announcement, 要去 door 2 搵佢...我以為佢話我點解幫同事做announcement 添, 點知原來唔係呢回事...係 upper deck 的紫姐走去同老總講我講錯flying time. 佢話我講左2: 12, 於是老總先要回我clarify 一下...我好肯定我冇講錯...因為我係睇完電視的 airshow 2:52, 所以係講左 2: 52, 而唔係 2: 12...事後同事都好關心, 問我發生乜野事, 我講罷, 同事們話我醒目, 仲叫我千祈唔好俾upper deck 的紫姐得逞, 因為佢出哂名鍾意辣著哂d 人先開心個隻...我聽完...覺得好恐怖...講真, 我唔係醒目的人, 我只係講番個事實出黎...而幸好, 我唔係同呢位紫姐係同一galley一起工作....