小孤菇長空中往返: 自私的港女乘客

2007.06.08 to 09

第 269 次飛行

這次新加坡曼谷之旅, 冇之前個班咁困獸鬥...一切都好順利, 除左係昨日因為香港天氣差的關係, delay 左成個鐘先起飛...最恐怖係, 航機已經停係跑道準備起飛, 但強風吹到航機內的我們都搖搖晃晃...

3程機既乘客都好nice, 除左最後一程, 坐係34H 的自私30-40 歲港女乘客...

話說34 HJK 的ptv 是壞的, 但我地上機時, 34HJK 已經冇問題...而34HK 坐左一對香港夫婦.. 起初 ptv都冇事，直到我地做service 的時候, 那位港女乘客同我partner 講個ptv 唔work, 於是我地reset 一次啦! 點知都唔得...因為那班機只得百幾位客人, 空位多得很....所以我partner suggest 這位港女坐另一座位, 點知她說: " 我食緊野..叫我點換位?", 由於我地要繼續做service, 所以個波就拋左俾老總搞....老總曬哂冧同位港女傾...但呢位港女都唔領情...最後仲要老總為左佢一個而reset 哂成架機的inflight entertainment system...點知...reset 完...34 H 的 ptv 唔單止冇改善, 仲搞到成個inflight entertainment system 壞哂...

咁o岩坐係港女附近係一位thai 既 id pax, 而這位thai id pax 又識聽廣東話...佢聽到這位港女竟然說出下面的話:" 哈! 為左我一個而reset 哂成架機的 system, 而家仲搞到成個system 都壞埋, 我冇叫佢地為左我咁做架! " 事後thai id pax 走去同老總講....老總聽完...當然激到死死下啦!

幸好, 除左這位港女外, 其他客人都很好....但這港女就累街坊囉! 除左令所有人都睇唔到電視外, 仲搞到老總同個阿哥, 不斷寫 service voucher 俾 business class 的客人...寫到落機..

.全機同事都知這港女自私的行為...有同事仲咀咒佢添...唉...佢都係抵咀咒既....不過實在太毒, 所以不會在這裡說...

另外, 我仲遇到一位坐係 business class 的 Mr. Young...話說而家公司有項inflight sales promotion, 就係買滿$1000 就可以以$300 優惠價買一set wallet + pen...我收了 mr young 的order, 佢要買對$2800 的耳環, 同兩set wallet + pen, 但問題係, 不是佢買過了 2000 蚊就會有兩set...因為我入單時冇可能將這2800蚊分兩張單入機..之後我就親自同mr young 傾...suggest 佢不如買埋條頸鍊, 佢同我講上程係東京回港, 已經買左, 但那班機上, 冇wallet + pen, 所以今次先諗住再買對耳環....目的就係為左那wallet + pen...我真係諗唔到點幫到佢, 只好幫佢買左一set 先, 等佢再睇睇有冇其他野要, 夠$1000 , 我再幫佢買多set...隔了一會, my young 搵到3 樣液體cosmetic, 剛剛夠 1000蚊, 本來我同佢都開心既, 點知我忽然記起佢同我講一陣會坐飛機去美國, 因為而家過境去美國, 所有液體都唔俾帶上機, 最後我只好又死死氣氣同mr young 講...佢好好人, 仲多謝我記得佢去美國...剛巧佢揭到男士用品那一頁, 我見到有條dunhill 皮帶, $1010..正! 於是我建議佢買那條...mr young 立即說: "係喎, 只係多10 蚊..哈哈!" , 我說: " 不過等等, 睇下我有冇stock 先..." my young 說: " 嘩..又冇stock? 唔好玩啦..." 最後, 係有既! 所以成功賣出..

.不過因為那時老總要我拎service voucher 俾佢, 所以最後我只好拜託阿姐幫我俾d items 俾 my young...阿姐回galley 時...同我講: "my young 問我佢係唔係煩到我地喎...", 我說: " o下? 點解咁講既?", 阿姐回答: " 唔知呀! 不過我答佢你冇講過喎..." 於是我同阿姐講番 my young 個case, 講真...一d 都唔煩....只係覺得好搞笑...次次my young 一決定要買乜, 總係會有d 問題出現者...其實我很想同mr young 解釋番架, 不過已經俾那 34 H 的港女搞到冇時間了...係呢度, 我想說: " 好多謝my young 的體諒, 因為呢兩套 wallet + pen, 搞到想訓覺既佢, 幾乎冇得訓...我唔好意思就真! 希望佢去美國都有個愉快的旅程啊! "

另外另外, 昨日係新加坡去曼谷那程機上, 有位新加坡男仔對佢女朋友求婚呀!!! 我地做完service, 女方既唔知家姐定細妹入黎問我地可否幫個忙, 當然可以啦! 我地準備左香檳, 老總做announcement, 而男方就經pa 說...."will you marry me???" 之後洋娃娃+戒指就出現係位女仔面前...全機人都拍掌, 女方當然感動到喊...有同事仲叫佢地咀多啖...哈哈!