杜拜過山車之旅 - 序幕

2007.06.28

第 275 次飛行

由仔仔昨晚9-10 點忽然對我說 "跟我去杜拜", 我的心情開始坐過山車....

半夜幫仔仔做listing, 同埋今天要早一點回公司...因為孤菇要幫仔仔print ticket..返工的途中, 下著大雨, 我的爸爸仲幫我拎行李拎到巴士站, 就係這個情況下, 爸爸同仔仔第一次見家長...在這種情況下見家長, 不要說他們倆, 連我都覺得好尷尬....

回到公司, 幫仔仔處理一切上機事情後, 我地的話題就返去楊生個度, 今天, 我真係唔想再多想其他事情, 只係想仔仔上到去杜拜的機, 如果唔係, 仔仔就會回曼谷了...一想起杜拜那班機overbook 左成60 幾個客, 孤菇真係乜野胃口都冇哂...但佢仲咁老定...都唔怪得佢既, 佢今日點都要上機, 只係睇下去杜拜定係曼谷..

送完仔仔走...我就去duty free dept 交兩份report, 其中一份同 currency 有關, staff D 收左我份report 後, 竟然說要帶我去team office 見某高層睇下點處理呢個case, 當時仲有 10 分鐘就開始 briefing time, 我仲未 sign in 呢! staff D 說唔緊要, 一定趕得切喎, 就係咁, 我就被帶左去見team office 的 staff T...雖然 staff T 個樣好似好好人, 但話哂都係高層, 點都有d 驚...佢問左我幾個問題...我都如實答了...我仲講埋第日自己應該點做可以防止呢件事再發生添....而咁o岩有個point 就係 staff T 最想聽到的說話, 佢一聽完我個句, 立即幫我係report 的後面寫左句: "免死金牌"...而呢個case 就會正式 close 哂...真係太好啦!

那時只剩下兩分鐘...立即去 sign in, 入briefing room, 幸好老總仲未來到....

briefing 完後, 我成個腦只係得番仔仔...唔知仔仔係機場standby 搞成咁, 上唔上到機呢? 所以就算最後俾老總轉左position 搞到做唔到duty free 的機會都唔打緊..最緊要係仔仔上到機...

上左crew bus, 我問老總如果一陣仔仔上到機, 可否坐埋crew bus去酒店, 亦因為我呢一問, 老總亦十分關心仔仔上機的情況, 仲叫我將仔仔的名字寫下來, 等老總一陣再問下d ground staff...

上到機, 除左equipment check, 同埋set newspaper trolley 外, 老總說其他什麼都唔做得...搞到我好無所事事, 將緊張的情緒寄託下都冇....就係呢個時候, 老總說仔仔應該上到機, 不過仲standby 緊...另外亦收到仔仔的sms 說, 應該上到機...這下已叫我放心了很多, 不過一日仔仔未拎到 boarding pass, 一日都仲有d 擔心麻...終於終於, 手機震了, 收到一個好簡短的sms - 30 H....

那一刻, 真係開心到想咀落部手機度...
孤菇一向都知道仔仔在機上大慨有什麼要求, 所以佢坐係我個zone 就最好不過...不過仔仔有時都幾難搞....
可能有航機delay 關係, 我地班機要等埋connecting flight 的客上埋先可以起飛, 仔仔忽然對我說很餓, 問我有冇野食...其實真係冇野食架喎, 最後孤菇只好偷偷咁拎左d花生俾仔仔吊命...又不可以俾其他客人見到, 因為我怕一俾佢地見到, 個個都問我拎呀!

又好似做drink service 時, 我一向都唔帶hot drink 既...點知第一個serve 仔仔時, 佢竟然話要 chinese tea! 我立即說: "得...但要等我serve 哂d 客先..." 之後有好幾次我都係咁同佢講...而最搞笑既係... 好多時想俾仔仔熱茶時, seat belt sign 就o岩o岩著左...唔 serve 得...呵呵!

到第2 個service, 仔仔要奶茶...我問佢淡定係濃, 佢話要濃, 於是我就落左兩個茶包...點知佢飲左一陣, 就話: "太濃啦...整淡少少得唔得..." 那一刻, 我真係想打扁佢!

最後回酒店時我向仔仔說: "好彩你係坐 30H, 如果你坐46, 我真係睬你都傻...你都算係幾有要求的客人.."

雖然係咁...但孤菇都好好架...請佢入galley 食左一碗好好味的牛腩麵... 同埋這次就係繼我同仔仔第一次係機艙邂逅後, 再一次係同一班機上回味初相識的經過...

當中都發生d 好笑野, 話說老總知道仔仔坐係邊, 話要同佢傾下計, 因為老總個樣唔似香港人, 但講廣東話, 所以仔仔都嚇左一跳...老總十分好人, 叫仔仔臨landing 坐係 business class, 等佢快d 過關, 再 meet 孤菇! 後來仔仔成日問我點解老總仲講廣東話, 咁我點知者? 我叫佢自己去問, 同埋落機時記得同老總講 thank you...點知等緊 baggage 期間, 老總好尷尬咁同我講: "佢頭先落機時, 竟然同我握手呀..." 睇到老總個樣, 佢好明顯俾仔仔嚇親, 於是我說: "佢同你握手已經唔嚇人啦..." 我想起第一次仔仔話要攬一攬時 (當時未開始...仲要唔係好熟..) 我真係想兜把"星"佢...不過事後我明白係佢一向的作風...而現在佢都唔會再夠膽攬其他人啦..呵呵!  而仔仔真係走去問老總點解佢識講廣東話, 老總的反應係..."你再成日同我傾計, 我要收你錢架..."

落左機, 幾經辛苦終於搵到個機會問captain, 仔仔可否跟埋crew bus 去機場...我懷疑老總一早同captain 講左, 因為孤菇都未問, captain 立即說yes...

可惜仔仔的check in baggage 就唔爭氣...等左好一會兒, 都未見到佢的baggage, 搞到成set crew 都要等埋佢..我就梗係唔好意思啦...其實等左一陣時, 我同老總講我同仔仔自己坐的士就ok 啦, 但老總好好人, 話:"等埋都得...你唔好 rush 佢啦,  佢已經好驚架啦..." 其實我都睇得出仔仔好驚, 仲好搞笑咁狂揭那塊屏風, 睇下佢的行李係唔係裡面..

驚嚇左咁耐, 終到可以同仔仔踏足杜拜!

想不到這個夢可以成真! 感謝天主!