雞同鴨講

2007.06.16

第 272 次飛行

孤菇飛左幾年, 除左好憎做馬尼拉機外, 最怕就係做越南機...

這次是roster的, 調極都調唔走, 唯有認命...

如我所料, 除左係一班full load 機, 每位客人都拎著重到3,4 個人都拎唔上行李櫃的行李外, 仲會有好多雞同鴨講的情況出現....

通常一boarding, 首先會上坐輪椅的老人先...我地帶到佢地去座位後, 就問佢地有冇重要野要拎出黎先... 例如藥物...等, 但佢地完全係聽唔明既...然後到正常的 boarding, 好多都係大家族咁上機...一上機就塞哂係條走廊傾揀座位坐的問題...搞到後面d 客等左好耐...由於佢地聽唔明英文同廣東話...基本上我都做唔到d 乜...有對老人仲勁, 二人分別企係左右一條aisle, 用越南話講野, 叫極佢地坐低先慢慢傾都冇用, 都係個句, 佢地根本係聽唔到我講乜...幸好剛剛有位越南ground staff 上左黎, 我只好用英文叫個ground staff 快d叫佢地兩個坐低....因為我已經見到後面的客人黑哂面了... 

做service 仲攞命...有8 成人都係聽唔明我講乜, 剩下個兩成聽得明我講乜, 但就麻煩多多, 因為佢地係哂機艙的中間位置, o岩o岩冇哂main course 的choice...佢地梗係唔開心啦..仲問我係唔係因為坐係中間所以冇choice...我唔通答你 "係" 咩? 你冇choice 唔開心...我冇choice 俾你, 我都唔開心...

做完 service, 都差唔多descent, 但同時一大堆 duty free 單飛埋黎, 有人仲要我找加紙俾佢...唔好玩呀! 美金我都冇, 仲要我找加紙???? 請不要當我係收銀機...

幸好呢班機有老總同兩位FD 的同事幫手...FD 同事即係只train 左兩個星期safety, 今次上機睇下service 的情況, 再番去 training school train 埋4 個星期的service...

另外回到港時, 發生一d 小插曲, 話說我地幫一位坐輪椅的婆婆落機時, 婆婆說: "小小, 小小", 由於佢講到唔清唔楚, 又細聲, 我地搞左一大輪先知佢想小便...而我地都打算俾佢去完先落機, 點知有位caterer 哥哥話唔俾佢去, 因為架機就快要走, 等唔切啦...於是我地只好用機上的輪椅推著婆婆落機, 再坐番佢的私家輪椅啦...因為婆婆連行都行唔到兩步, 加上佢都有成200 磅重...所以要成幾個人先扶到佢落去私家輪椅...就係呢個時候, 婆婆又話"小小", 呢個時候, 紫姐係度, 問婆婆想做乜, 我說: "佢想去洗手間..." 紫姐說: "咁等佢去完先落機啦..." 點知我地幾位做細既同事說: "唔得呀....d 阿哥唔俾去, 因為架機要走啦..."  到左呢個時候, 大家已經忍唔住笑左出黎....其實我地都好驚婆婆會撒尿....但又唔可以俾佢去住...而婆婆就係咁話要"小小", 大家可想而知當時的情況係點...幾經辛苦, 4 個人的力量, 終於將婆婆抱到去佢既私家輪椅上...臨走時, 我地不忘叫d ground staff, "記得帶佢去洗手間呀!!!!"

4 小時來回, 已經做到半死, 再想起第2 日又要4 點幾起身, 真係好想請病假....