我的乘客真瘋癲! (一)

2007.09.05

第 292 次飛行

好多日之前已經想打呢個blog, 但實在太多事發生, 次次想打的時候, 一想到好多字要打, 加上太累, 都唔想打...但始終都會有打的一日....

這次的奪命888, 我相信會畢生難忘...

以下的所有事, 所有乘客, 都係坐係我個zone...

話說我個zone 有個癲婆, 佢坐49 H, 聽說佢係坐輪椅既, 但佢又好遲先上機, 一上到機, 我地幫佢放D 行李上行李櫃內...之後陸陸續續有其他客上機, 由於行李太多的關係, 所以我要 arrange 一下行李櫃內的行李, 點知癲婆大叫:"dont move my lugguage!!!" 我說: " i didn't!", 一切就由這裡開始...

未起飛前, 阿姐都49 H 係癲癲地...叫我地小心d...做cocktail service 時, 癲婆話要奶, 我說要入galley 拎, 叫佢等等, 於是佢話要 orange juice, 仲要加冰同埋lemon..我照做, 佢飲左一淡, 話要睇我個盒 orange juice, 佢睇材料那幾行, 應該見到其中一個字, 立即成杯orange juice 俾番我...話要奶, 於是我叫阿姐拎杯奶俾我...俾完佢...癲婆竟然話要睇那盒奶係乜野牌子...當時阿姐o岩o岩先俾左杯奶我, 加上阿姐又要repenlish 4 個人的 drink, 我真係唔想煩到阿姐, 但又冇辦法...阿姐都明白, 俾左盒奶我, 同我講:"你同佢講, this is the best in HK", 於是我照講, 點知癲婆竟然要寫低盒奶的 brand name!   我見佢睇得咁辛苦, 就好心串個英文字俾佢聽, 點知...佢話:"u dont need to spell it to me, i m a english teacher before!", 我"o" 哂咀...

終於做service, 我同我partner 做做下 service, 癲婆要去洗手間, 好多時客人要去洗手間, 都要攝係個foodcart 隔離過, 點知個癲婆捧住個肚, 死都要我地讓路俾佢, 意思係如果佢攝過佢, 佢就會爆缸, 我同我partner 只好讓路俾佢...之後我同我partner 講佢就係個癲婆...我仲笑叫我partner 做快點, 唔係一陣佢出黎, 又要讓路俾佢...點知到我地換cart 的時候, 驚見個癲婆已經係個galley 內, 仲煩到阿姐死...對面aisle 做得快過我地, 所以佢行左個邊, 再煩阿姐點解咁耐都未有野食(個癲婆坐的位置係最遲先有餐送上的位置...), 阿姐塊面都黑黑地, 而我地都立即俾野佢食...佢要左魚, 又要我地俾lemon 佢, 點知都唔知食左有冇一兩啖, 佢成個main course 拎番入galley 話唔要! 激死我地!

幾經辛苦做完第一餐, 我去左行轉 duty free, 其實我都唔算行得太快, 經過個癲婆隔離, 我都有窒一窒, 見佢冇反應, 我就繼續行, 咁o岩前幾行有位女仔order化妝品, 就係呢個時候, 個癲大叫: " you walk so fast!!! you walk so fast!!!" 搞到成cabin 的人都望住我!!!  那位女仔立即細細聲同我講: " 你搞掂左佢先啦...你一陣番黎都ok.." 好多謝呢位女仔的體諒, 我又死番去個癲婆個度....佢又唔係要 order 架喎, 只係想睇下本書先...

所謂一波未平, 一波又起, 我行完 duty free, 第2 件事發生了...