給喜愛在機上看報紙的乘客...

2007.09.03

第 291 次飛行

兩日三程的曼谷機, 我成日都講, 最辛苦其實係第一程...尤其係 boarding 的時候, 因為一定有好多人要求要報紙..

而晨咁早, 我就俾位女乘客噴到一面屁...我就叫佢做 41 H...

話說我經過佢身邊的時候, 佢叫停左我, 話叫左人拎報紙俾佢, 但到而家都未有...見到佢黑哂面, 仲係度嘈, 我就同佢講, 我mark down 佢的 seat number 先, 我再去check...其實當時我手頭上已經有成起碼 10 個order 係要報紙, 正想上去check 時, 俾呢位 41 H 叫停...而佢要一份South China Morning Post (SCMP), 同埋一份中文報紙...

去到BUSINESS CLASS, 我見到同事們都係一人十幾個ORDER, 而我地仲開始拎埋回程先可以用的報紙...但始終都係回程的報紙, 我地都唔可以拎得太過分, 最後我只係拎左份SCMP 俾 41 H...

去到41 H...我同佢講我只得SCMP, 中文報紙真係沒有了...

" 有冇搞錯? 冇中文報紙! "

" 小姐, 唔好意思, 我已經幫你CHECK 過啦, 真係冇哂..."

" 點解會冇中文報紙架? 你睇下! 今日D 機位咁吉, 點解要一份中文報紙都冇? "

" 小姐, 其實本來都冇SCMP 既, 我只係由回程的報紙中抽出來俾你 "

之後, 呢位女仕都窒左一窒...但繼續講:

" 咁多空位, 都可以話冇報紙, BLAHBLAHBLAH..."

我等佢BLAH 完...

" 其實公司每一班機, 都會按乘客的數目而load 幾多報紙上黎, 而因為今日的機位比較吉, 所以 load 上黎的報紙都會少一點...小姐, 唔好意思..."

" 咁呢d 就係你地的問題囉! "

其實我聽完, 真係唔知好氣定好笑....起初係有點氣, 但事後諗番, 又覺得好好笑...

不對的是: 這根本不是我的問題...

對的是: 這的確是公司的問題......

點都好, 我成日都覺得, 你真係咁想睇某幾份報紙既, 點解唔自己去買左先呢? 買一份報紙好哂你時間咩? 好哂你金錢咩? 你買得我地公司的機票, 我唔信你連買份報紙的錢都冇囉...加上香港周圍都係報攤, 機場到處都有得買報紙...為何唔買, 係都要上機拎呢? 你都應該唔係第一次坐飛機架啦...點解要為左一份報紙搞到自己咁唔開心呢?

所以對所有喜愛在機上看報紙的乘客...請花一點時間, 金錢, 在上機前買份報紙吧....

也不明白, 為何現在香港的女人那麼潑辣, 反而男人就好多了...沒有報紙, 仲可以成程機笑笑口對住自己...