2007.09.10
既然 家兒 standby call 去 vancouver, 我就提議join tour 去 whistler, 去前, 我同家兒都訓得唔好, 結果今日係出發前, 我叫左家兒不如上黎我房食個早餐先...
係我間房望落去就見到酒店門口, 所以我地等到有tour bus 到, 先飛奔落去....那時7:30 am...
由於報名的時候, 我只用了自己的姓報了兩個人參加, 所以那個driver 一直以為我地兩姊弟係兩公婆...仲叫我地做Mr. and Mrs....
去到vancouver downtown 已經8 :15am, 我地係 downtown 等埋另外5 位團友, 大約 9 點出發去North Vancouver, 再上 whistler...
上 whistler 前, 分別停左係 Brittania Beach 同埋 Shannon Falls, 其實我同家兒一致認為呢兩個地方都可以skip 左唔洗去...前者, 一d 都唔似個beach, 後者, 又唔覺有乜特別, 講真 香港都有類似咁既 falls 睇...
下圖的家兒的背影, 其實唔想影佢, 點知佢行得實在太快...哈哈! 
就係 shannon falls 這裡, 發生了一件令我好心痛的意外, tour guide 二百婆磅肥婆好心問洗唔洗幫我地影合照, 我同家兒同時俾左相機佢, 而tour guide 只接了我的相機影, 點知影完, 佢睇唔到前面有石級, kick 一kick, 佢成個人跌左落地, 而我部相機...當然同肥婆一樣, 跌埋落地, 老實講, 當時我成個腦只係得部相機, 只係擔心部相機有冇事....個肥婆跌成點, 我真係冇心情去理解...而家兒都深明我的心情, 立即去睇下個tour guide 有冇事...肥婆冇事, 而我開番部相機, 都開到, 以為冇事...點知再影相的時候, 畫面就變成下面咁樣...
畫面出現一條條線, 並不是個mon 的問題, 因為睇番之前的相都冇事, 好清, 唯獨是跌完再影的相, 就出現一條條粗線.家兒說應該係 ccd 出左問題..亦即係話, 我之後再唔洗再用自己的相機影相...
我好心痛 1. 我連whistler 都未上到就已經壞左相機 2. 這是太后6 月送俾我的生日禮物, 都未供完... 3. 部機用左3 個月都冇... 4. 重點係部相機唔係自己跌既, 係個肥婆跌既...呢下先唔抵...佢就一句sorry, 我就要貼錢搞...佢個身冇壓爛我部相機, 我已經偷笑....
之後我的心一直往下沉....因為我地大慨 11 點半再繼續出發去 whistler, 點知前面單程路有嚴重車禍..那時, tour guide 先同我地講其實車禍係今早7點半已發生, 但據報9 點半先開番, 點知而家都11 點半, 仲封緊路, 仲好似連隔離線都封埋, 很多車都掉頭走....而我地的 tour bus 都只好掉頭走...去到附近一個地方, lunch 一下, 而個tour guide 就搵個電話打番去總部問下情況...最後我地知道既係...最樂觀的解封時間係 1 點半...於是我地就等到一點半, 點知到1 點半時, 又話要 3 點半先解封...到左呢個時候, tour guide 說去不成 whistler 了...這次的旅費都唔洗錢...唉 相機又死左, whistler 又去唔成...真係好唔開心.!
個tour guide 都算係咁, 去唔成 whistler, 就車左我地去 horseshoe bay...
同埋cypress park 睇vancouver 全景...係度真係要多謝家兒, 如果沒有他, 大家唔會睇到呢幾張相...
原本應該今晚8 點先完結的 tour, 提早係5 點完結...我地叫個driver 係 3 街 drop down 我地, 食完dinner 先回酒店休息...
其實相機跌了那一刻...我明白有d 野真係個天安排好哂...
飛 888 前, 我說過"有排悶了"...怎料頭兩天, 竟然有kit 姐相伴...之後再回vancouver, 家兒被call standby...原因係個天知道我部相機就黎跌死....派家兒部相機黎救下我...
在這, 很感謝主又派了貴人黎打救我...這次貴人是家兒...
No comments:
Post a Comment