我的乘客真瘋癲! (三)

2007.09.05

第 292 次飛行

我起身後, 4 隻生蟹, 已經變左蟹粥....wahahahahhahaha! 老總拎左去頭等, 叫阿姐搞掂去...真想不到, 到頭來, 得益既係我地...但因為captain 都知道呢件事, 所以要老總寫report, 有同事問老總:"如果第日公司問你點處置d 蟹, 你點交代?"  不過我就食唔落隻蟹, 可能成件事我都有involve到, 見到隻蟹, 總係覺得佢仲係未死咁..

亦想不到, 我起身後, 癲婆愛上左我partner 同事k(我partner 係男仔黎), 話說癲婆要green tea, 我整左俾佢, 點知佢話要用佢的 own tea bag, 於是我問同事k, 佢的 own tea bag 係邊, 我先知同事k 幫佢keep 起左一個green tea bag, 於是我這次用一隻杯裝熱水, 一隻杯裝 tea bag 咁俾佢, 點知佢睇到個tea bag 濕左, 話唔要, 咁佢用過的 tea bag 就梗係濕架啦! 這時候, 同事k 係我身後出現, 癲婆一見到佢, 就好開心話:"i like the one that he makes..." 唉, 原來用乜野 tea bag 都冇問題, 最重要係邊個整杯green tea 俾佢... 我向同事k 說:"以後佢要的 green tea, 你幫佢整..我唔會再整..." 由於癲婆鍾意左同事k, 所以佢地兩個之間就以 "my friend" 相稱...做service 時, 我做drink, 佢又要 green tea, 這次, 我說:" your friend gives this to you.." 佢終於冇再將杯 green tea 打回頭... 同時, 我仲收到一張 duty free 的 order form....同埋叫我俾張comment form佢..

做完service, 又係賣 duty free 時間, 因為我知個癲婆好煩, 加上佢都買幾多野, 所以做左佢個order 先, 點知佢又捧住個肚話要洗手間先...好啦..我等等等, 等到 captain descent announcement, 佢都未回坐, 終於到老總做 announcement 先見到佢, 我立即走上前啦...點知...佢想用支票付款, 睇到我眼都凸.... 我解釋話公司唔收支票, 佢問我點解, 我話company's policy...我話可以俾cash or card, 佢就問我佢冇錢咁點算, 我話可以俾card, 呢個時候, 我發覺佢又癲癲地, 佢係咁問我冇錢點算, 冇鉉點算, 呢度又冇ATM, 等等, 點解唔俾得支票...搞到我都嬲嬲地, 我由頭都尾都用 company's policy 搞掂佢, 最後佢當然冇買到啦....哂我時間...

癲婆仲癲到連小朋友飲 diet coke 都鬧, 而後期俾同事k 見到佢成個手袋都係 comment form.. 即係, 佢都唔係第一次咁做...

除左癲婆事件, 同走蟹事件外, 其實我個zone 仲有好多令我激氣的乘客,

包括一個男仔每兩分鐘就追我拎英文報紙, 仲追到我入 galley, 那一刻我好想跳機...

包括有個女人明明係幫小朋友order child meal, 又要 normal meal...4 個人, 5 個餐, 會唔會過分點? 最後我教訓佢地, 唔可以同事要 child meal 同 normal meal, 只可以揀一...

包括一個女人臨landing, 佢同個bb 都冇扣安全帶, 仲用 blanket 蓋住, 我覺得個bb 冇可能扣安全帶都唔喊既 (因為個b 次次扣親都喊麻!), 於是我揭開睇...要佢地扣番安全帶, 但我見唔到bb 那條安全帶, 我問個女人bb安全帶放左係邊, 佢竟然答我:"不知道", 我立即去左拎條新的 bb 安全帶俾佢, 同埋教訓一下佢, 點可以唔扣安全帶, 同埋點可以唔見左條安全帶...blahblahblah...

終於到左溫哥華....這12 個鐘真係好漫長...

落機個一刻, 真係有點後悔換左呢班機, 同時忽然好想返香港, 仲有"鄧" 下班crew 慘...

希望黎緊個3 程唔好咁...