小孤菇長空中往返: BB 客機

2007.09.11 to 12

第 292 次飛行

由於相機的受傷, 令我的心情也不多好...

上到機, 有成38 個BB 等緊我地...連bb 安全帶都唔夠派, 要係隔離機拎多幾條...而整班機, 幾乎有成 415 個活生生的人...真係未試過那麼多人...

boarding 時, 到做safety demo 時, 仲有好多客企哂係度搵位坐, 場面一片混亂...

有個男人仲大吵大鬧....幾經辛苦先令事件平息....講真, 分開哂坐, 大家都唔想, 你想成家人一齊坐既, 唔該下次早d 去check in 吧...

整班機上, 都沒什麼大事發生, 只係不斷沖奶, 洗奶樽, 倒奶...同埋杯麵...有d 客好過分, 前幾個鐘倒左d 奶俾佢地, 點知幾個鐘後, 竟然俾番樽奶我, 同我講d 奶隔左好耐, 話唔去, 叫我倒d 新既俾佢...實在太浪費, 我忍唔住同佢地講, 機上的奶有限, 除了給你, 仲要俾好多bb 飲用, 請你們珍惜一點...對方笑笑口說謝謝, 就走了...

回程, 成日都氣流, 我地已經check 左每一個bb 都有扣安全帶, 點知頭等個紫姐明明係休息中, 走左黎check cabin...再打電話俾我, 同我講economy 所有bb 都冇扣安全帶! 我心諗有乜可能?

我有幫d bb 扣安全帶架啦...我check 完, d 客點搞我就唔知, 好多時我check 完, d 媽媽都unfasten 番seat belt, 我都冇辦法..結果紫姐叫我地3 個當值的同事唔好坐係個galley 度, 行多轉cabin check...個紫姐仲竟然係自己條aisle , 叫過去另一條aisle, 叫d 客唔好去洗手間...其實我地都講左好多次啦...d 客都唔理, 我有乜辦法?! 真係氣死我...

有一個媽媽都唔知點整, 竟然可以將bb 安全帶仲將條bb seatbelt 攝左係armrest 度, 我用左成15 分鐘先整得番出黎...不過最氣都係有d 大陸媽媽囉, 成日唔聽我話, 唔扣安全帶...搞到我一而再, 再而三俾個紫姐話, 最後我真係好嬲...說: 這不是個bb 想唔想, 同鍾意唔鍾意的問題, 這是為了你同bb 的安全...你知唔知你唔做, 我會俾人鬧, 分分鐘連份工都冇埋! 最後這些大陸女人終於聽下我講...

後來, 又有一條bb 安全帶俾某媽媽棄置係條走廊上...搵極都搵唔到係邊個, cabin 咁黑, 要等安全帶的燈號再著先睇到邊個冇bb 安全帶, 而又差唔多到我訓啦, 所以我同阿姐備左案, 就去休息...幸好阿姐深深明白到, 因為之前阿姐都領教過紫姐d 野...

做collection 的時候, 我收完佢地個tray, 過左幾行, 好多客忽然要多杯茶同咖啡...一個一話要, 周圍的人聽到又話要...情況真係有d 恐佈...當時我個cart 係有茶, 但問題係我已經收左佢地的 tray, 唔通佢地想我由污漕的cart 拎番d 杯俾佢地???!!!

最後,我只好教佢地, 下次想再多杯茶同咖啡, 請keep 起佢地自己隻杯, 這樣, 我又可以快d 俾茶你, 你又快d飲到茶....

另外, galley 內都有小風波, 就係阿姐同我partner 唔o岩...對這件事我都唔想作咁多評論, 不過我覺得, 就算阿姐有幾唔o岩都好, 都唔應該鬧阿姐, 因為佢始終都係你既上司, 何況, 我又唔覺得阿姐有做錯d 乜, 大家都有自己的own duty, 阿姐同我地的duty 都唔同, 我地都唔可以expect 阿姐可以幫到我地手...d 客雖然係煩, 係多行李, d 行李係搵唔到位放, d 客係死都唔坐低, d 客人永遠都唔知自己應該坐邊度, 但都唔應該將自己的情緒發洩係別人身上...我partner 又同我講, 阿姐又同我講...夾心人有時都幾辛苦, 畢竟我做service 對得最多都係佢地兩個...哈哈! 所以佢地同我講, 我都只係哦, 我都唔知講乜好...結果開餐的時候, 一個係galley內, 一個係galley 外, 死都唔入黎...我都廢事理, 自己食野...哈哈! 到最後, 佢地兩個表面上又好似冇野, 最搞笑係我partner 竟然同我講sorry...其實佢又冇得罪我喎...可能佢覺得對我唔好掛...