2007.09.22 to 23
第295次飛行
仲以為可以安安落落做service 啦, 點知呢隻機的 ptv 就係唔得既, 仲慘過黎個架機...當中, 坐係66 H 的差差係最煩, 幫佢reset 左3 次ptv 都係唔work, 同佢講過n 咁多次reset 時, 千祈唔好搞個control unit, 但我次次reset 完, 行去佢個位時, 我.都見到佢搞個control unit, 真係激屎我啦!
最後我打算放棄佢, 點知佢走入黎galley 等我...仲問我呢15,16 個鐘點算? 班機比較full, 但都仲有少少空位, 咁我只好幫佢搵個位調, 點知佢又要求多多...(其實仲有好多客的tv 都唔work, 但一話要調位又係要求多多) 又話唔係窗口位, 又話唔要中間位, 坐係差差隔離位小姐的 ptv 又係唔work, 但我又唔明點解佢坐窗口位, 都唔肯調去中間位囉, 我認為如果你地真係咁想睇電視, 應該什麼位都肯坐先o岩麻! Right? Anyway, 我終於搵左個走廊 bulkhead (即係第一行) 的位俾差差坐...但bulkhead 位的 armrest 係唔可以拉起的...我亦以為搵到個走廊位, 事件就告一段落
...
點知Service 完左, 我竟然見差差坐番自己位..咁我就問佢點解唔坐那個bulkhead 位, 佢竟然話那個位太窄
????
仲叫我再一次reset 佢原本的 ptv...這次我忍無可忍... 我說: “well, i ask you not to press any button on the control unit when i m resetting the tv for you, but you keep pressing...and you wanna sit an aisle seat, i try to find it for you. Now i offer you an aisle seat, but you dont take it...so, i m afraid i can do nothing...” 雖然我係好嬲, 但都仲識笑既
..
.
只係埋怨點解公司成日俾呢d 屎我搞者
.
..
最後呢個差差依然係咁叫我去 reset, 但佢又知唔知reset 有幾煩呢? 又唔可以打去 business class 叫同事reset (因為踏入rest period, 廢事個call 影響客人訓覺), 我只好行去 business class自己 reset 完再番去睇下搞掂未, 所以你都可想而知每次我番到去economy class 見到差差係咁搞個control unit 我有幾嬲啦! 最後係連阿姐都叫我唔洗再理佢
....
阿姐好好人, 知我duty free 又忙, 又要上去 business class reset ptv, 明明佢已經夠鐘去 rest, 但佢都等我搞掂哂d 野先走...點知我係 business class 透完氣番去 economy class, 61k 的鬼佬又唔知發乜野癲, 佢話佢個tv 唔work, 我幫佢check, 確實係 work 喎, 原來佢的意思係指點解唔係 interactive, 我只好解釋這班機的entertainment system 是這樣的, 亦有解釋到這個system 係怎樣操作...點知佢話我唔明佢講乜, 佢問點解人地SQ係 interactive, 我地公司唔係...我只好說我地公司正在改善當中...(下次你去坐SQ 好了...)唉...最後我問佢想睇邊個channel, 我幫佢較, 點知佢話: “i have been waited for 20 mins!” 我心諗, 邊係呀! 阿姐又係galley, 我galley partner 又係 galley, 點會冇人應call light 呢? 算, 唔想同你嘈....
最後我見到差差終於訓左覺, 我決定幫佢reset 多次...(因為佢訓左就再搞唔到個control unit ,
呵呵
) 結果佢起左身終於有電視睇
...
待續....
...
????
..
..
......
呵呵
...
No comments:
Post a Comment