"豆" 大的眼淚

2007.03.11 to 12

第 243 次飛行

完左呢班機後, 我真係好後悔用兩日假換這班日本機回來...

起初我check 到係商務客艙做assist 既, 點知臨入 briefing 再check, 因為有兩位同事port sick, 所以我不再是assist, 變了同紫姐一齊出 trolly的position, 諗起又要出車, 真係唔多開心, 因為做完, 條腰一定又痛... 亦好唔明白點解這班機都會竟然有同事port sick, 不過後來, 大慨我知道原因...

今次的pattern 係兩日4 程機, 去大阪及回香港都要經台北...但老實說, 我4 程都做得唔開心...

briefing 時, 紫姐brief 左我地好耐, 仲講左好幾個point, 我心想呢位紫姐真係有點要求, 但想不到, 佢的要求比我想像中更更更高....

第一程去台北, 我的兩位partner 都去了economy 幫手, 得番紫姐, 兩位紅姐同埋我戚商務客艙工作, 紫姐係briefing 講到 communication 好重要, 但又唔同我講佢個service flow 想點去, 搞到我起初好迷茫, 要問紅姐...同埋d 客食得好慢, 食到 landing 都未食完...唉...

第二程去大阪, 好辛苦, 因為 economy overbooked, 所以商務客艙大部分都係被 upgrade 的客人, 但這些被upgraded客人似乎誤會左一點東西, 佢地被安排坐商務客艙, 唔代表所有行李都要我搬上去啊! boarding 的時候, 很多客人都要我幫佢地搬行李, 最經典係下面3 位:

(1) 一位台灣男人, 佢坐 window seat, 佢坐低左, 執好野, 就叫我埋去, 要我幫佢將個袋放係行李櫃內...佢個袋都幾大, 我又唔知幾重, 同埋我覺得應該都幾重, 於是我就指俾佢睇佢可以放係邊, 等佢自己放啦! 點知佢兇我一句: "you want me to come out and stow this?", 最後我死死氣氣托左個袋上去...幸好, 未算太重...但我好鄙視佢...

(2) 兩位台灣師奶, 一上機就bilibala...要我幫佢搬行李上 overhead locker..那件行李根本應該 check in 的...anyway, 我同佢講, 可唔可以一齊托上去..佢地話好, 但就動都不動...講左幾次, 佢地終於肯動手...但因為唔夠力, 行李拎起左少少就跌左落黎...仲壓到我隻腳..有幾痛, 一陣大家都知...結果呢一件行李, 要老總, 我, 我 partner, 呢兩位師奶合力先拎得起, 放在行李櫃內...所以你地話當時我俾呢件行李壓到我隻腳有幾痛...

(3) 一位日本男人, 唉, 又係你... 一上機就同我講件行李好重, 佢拎唔起...佢件行李只是laptop 咁既 size, 我諗住幫得其他人, 唔淨在幫埋佢, 諗住一齊搬啦! 點知佢坐係個位, 死都唔起身! 結果我自己一個人搬, 點知我完全拎唔到...因為同頭先台灣女人的bag 差唔多重, 有冇搞錯?!  呢個時候, 有位鬼佬大聲問要唔要我幫手...好多謝你, 另外老總都立即走黎幫我, 仲叫我下次要叫人幫手...anyway, 謝謝你們...拎完佢地的bag, 我條腰果然好痛.... 

這晚, 我狂發惡夢...係咁夢見紫姐...估唔到呢個係先兆...
第2 天, 唔知點解, 起身後一小時內痾左3 次..係機場shopping 時, 又痾, 真係好鬼辛苦...點知惡夢仲陸續有黎...

回程到台北, 我兩位partner 又去左economy 幫手, 今次紫姐話要同我一齊出 trolley, 我都心知不妙...做到tea/coffee service, 佢終於叫我停落黎, 係 galley 訓話我, 俗稱b 我, 佢由 cocktail service, 彈到tea/coffee service...又話cocktail 完左後, 派tray 時, 要將 cocktail 隻杯放番入個tray再serve, 又話如果客人隔離冇人坐既, 杯drink要放係隔壁table 上, 唔俾放係客人面前...同埋d drink 要向住某個方向倒,  tea/coffee 隻杯又要放係某個位, handle 又要向某個方向, 斜少少都不可以...等等, 呢d我都算, 話哂有些training school 都有講過, 自己冇心裝在點都有唔o岩既...同埋我一向都有個問題, 就係左右不分...特別我好緊張的時候, 更加糟! 後來我都有同紅姐講我呢個盲點, 唉好無奈... 仲有, 佢要我記得所有客人(59人) 的名...寫係貓紙睇住都唔得.. 好似做第一個service, 我記唔哂咁多個, 於是我睇下張紙, 先serve, 點知俾佢話我睇完張紙先叫客人的名字, 會唔會覺得好唔 professional...就係咁, 俾佢b 左10 分鐘, 但呢10 分鐘就好似一小時咁...事後我partner 知道呢件事, 佢都話紫姐哽, 仲話佢記得哂所有人的名係佢勁, 但唔代表人地一定做到...唉, 我平時只係記差唔多成20 位同事的名我都唔得, 仲要我記59 位... 俾佢b 完後, 我同自己講冇事, 我冇事, 我冇事, 做哂成個service, 我入了洗手間洗下手, 望下塊鏡, 已經見到斗大的眼淚滾黎滾去...好似粒豆咁大...出番黎, 仲要扮冇事, 扮冇事, 扮冇事, 強顏歡笑到落機...

估唔到假前仲搞埋d 咁既野...唉, 雖然放了工已經係大假的開始, 但我真係冇哂心機...