電召入星戰

2007.03.29 to 30

第 247 次飛行

今日11 點鐘開始 stand by..一邊等公司的call, 一邊同仔仔傾下電話咁...等到兩點都未有call, 仲諗住今晚可以出街陪下仔仔工作添...點知3 點幾, 竟然有call, 又係call 我最唔鍾意的星機...一日5 班星機, 我最唔鍾意就係做715/716, 715 的客還好, 但 716 的客總是比較癲既...sorry to say that... 同埋唔知點解, 10 次 standby, 起碼有9 次都被call 做呢班機...就好似電腦一早set 好左, 我永遠stand by 都要做呢班機似的... anyway, 被公司安排了工作後...打俾仔仔, 仔仔聽到我要飛, 反應係:" 唔係掛...."

最後...因為我被call, 仔仔也跟我一起走...不過我就去新加坡, 仔仔則回曼谷...我地二人立即坐車番公司, 係 canteen 食個dinner, 我就入briefing room, 而佢就到機場去...臨別前, 還做了一樣係公司未做過, 但又令我極難為情的事...

去程full load, 因為用airbus 的關係, 感覺上好似好一點, 因為最多都只得200 幾客人...怎料做ptv check 時, 才發覺全economy 的entertainment system都是壞的.....即係..(1) 冇電視睇.. (2) 冇safety video 睇, 即係我地要做live demo, 今次我覺得做live demo 做得好有滿足感, 因為實在太多客人望著我做啦...不再是個傻瓜空姐做live demo 都沒有人看... (3) reading light 全部唔work, (4) 唯一的好消息就係 連 call light都唔work...真係好耐未試過個cabin 咁寧靜了...

有時真係好唔明, 成機既 tv 都壞哂, 點解仲要拎黎飛呢?  阿哥話, 因為呢d唔會影響到飛機的運作...係者...但乘客唔開心, 要 complain 都死啦...

因為乘客冇電視睇, 所以到boarding 的時候, 我好想搵個地方收埋自己, 因為真係好驚有人問我點解tv 唔work...第一位問我既. 竟然係小朋友, 我只好老實同佢講, 今日tv 壞了, 所以冇得睇啊! 事後阿哥話咁老實會好hurt 小朋友啊! 但我認為小朋友細細個就應該要學習點解去接受現實啊!

可能這班機delay 了一小時, 乘客一上機就訓, 再加上好多都係國內同胞, 所以佢地並沒有投訴電視壞了...

service 亦算順利, 阿哥同阿姐都合作得很好, 只係有太多客人要飲紅酒白酒, 同埋又出現blankets 同pilow 唔夠派的情況...

3小時半的機程, 終於到達新加坡了...

到酒店的時候, 已經凌晨一時半...所有店舖都關了門, 唯一可以醫下肚的地方就係7 仔...我與另一位同事打算check 完in, 著住uniform 去7 仔買野食才回房, 但因為我地兩位都唔多識路, 所以需要driver 帶路, 怎料, driver 勁好人, 雖然7 仔只係離酒店兩個街口, 但佢竟然駕車帶我地去...仲係7 仔外面等我地買完野食, 再駕車送我地回酒店, 最後我地俾左少少tips 俾driver, 但佢竟然唔收? 呢種突如其來的服務, 我係其他酒店暫時都搵唔到啊! 這位 driver 的服務, 我永遠都不會忘記...
到第2 日起身, 吃了海南雞飯, 又要起程回港了...

這次不是用 airbus, 只係jumbo, 多了一百位客人, 當然又是full load 機...如我預料一樣, 客人果然係有d 難度...有星人, 有鬼佬, 同埋仲有香港團...真係多謝哂!  平時做其他機, 鬼佬都好easy going, 但次次我做呢一班機, 鬼佬總是特別難服侍... 另外, 這班機, 就算我地做得點好, 總是有一兩位客人要 complain, 今次有客人complain tv 壞左, press call light 又冇反應...又有客人飲醉左...我都冇做錯野, 又九唔搭八話要 complain, 又有香港師奶聞到有d "law" 味, 鬼哂咁嘈, 事後要老總同佢解釋這是正常情況...又有客人因為得唔到佢想食的main course, 當我收佢個tray 時, 問佢一句:"may i take ur tray" 時, 佢望都唔望我, 答都唔答...唉, 我都知你唔開心, 但我都唔想麻...

又3 小時的機程, 終於番到香港了...

番到屋企都成凌晨12 點, 一陣上午11 點又開始 standby, 加上自己消化系統出現了問題, 真係想好辛苦...連仔仔聽到我說一陣11 點又要開始standby, 又回應了一句: "唔係掛..."

近日你都開始明白我有幾辛苦啦....唉! 一陣千祈唔好再call 番我呢班機, thanks...