獨個兒在曼谷

2007.03.25

第 246 次飛行

飛左成4 日, 而昨日只係訓左3 個鐘都冇, 今日要早機去曼谷, 真係眼訓到死, 不過都係自己攞黎, 昨晚太后同阿羊都勁叫我去訓, 不過因為同二少傾計, 我完全唔當眼訓係一回事...今朝起身真係知死...仲有點頭暈暈...

臨出門口, 我再check 下d swap 啦...點知令我更煩惱, 孤菇本身下個月中用一班經新加坡去斯里蘭卡的機, swap in 班經曼谷去伊斯坦堡的機, 其實俾著平時的我, 一定唔會咁換...不過為左見二少, 都要去一次曼谷...已經 processing 左3 日了, 應該今日就會approved, 點知見到對方send invitation 俾我, 話佢有兩日要去 funeral, 叫我 withdrawn...仲同我講唔好意思...唉...可能以前俾同事扼我withdrawn 個swap, 其實想換d 更好的機, 所以今次真係唔多信佢既...坐車番公司, 盡量唔想去諗, 寧願訓一陣, 等番到公司再睇下點...之後番公司再check, 發覺對方就快過 probation, 算是新同事一名, 我心想, 佢應該真係有需要先 withdrawn 者....最後, 我都係好心地 withdrawn 了...亦即係...下個月, 我見唔到二少...心情難以形容...雖然我 withdrawn 左, 但我會check 住佢roster 有冇扼我既... 同埋我都有send 番 invitation 俾佢, 叫佢不如 apply compassionate leave..

今日要做兩程機, 第一程 香港去新加坡, 只得百幾客, 又serve 早餐, 真係好易做...第二程, 新加坡去曼谷, 都唔錯, 有大約 200 客, 我後面個zone 全部都係同胞同阿豬媽團...諗番起, 自己都好耐冇做過阿豬媽機了, 所以諗起一陣要 serve 佢地, 對我黎講, 真係有d 難度.... 好彩呢程我做drink...還好...真係有點怕雞同鴨講的感覺.... 不過佢地比我想像中好, 佢地識講少少英文, 我又聽得明, 同埋比起我o岩o岩join 的時候, 佢地已經有明顯的改善..少左打我patpat..只係有樣野依然改唔到既...就係成日係起飛降落時彈起身...好似動物園咁...而我地眾同事就好似係冒險樂園玩卜傻瓜咁, 佢地一彈起, 我地就用手示意佢地坐低, 請大家試想像下, 一個坐番低, 又會有另一個起身的情景, 唔似卜傻瓜咩?

因為昨晚唔夠訓的關係, 離開左機場, 上到 crew bus, 我已經死左半折, 訓醒的時候, 已經要落車了...

今次原本同二少出街既, 但佢而家係香港, 只好自己一個人...

本來真係打算與同事去 central plaza 行既, 但真係好累同眼訓, 加上明天一早又要起身, 仲要班機的loading 係 overbooked, 所以都係唔出, 自己一個人係房間上下網, 打下呢篇blog好過了...

因為太餓,去左 lobby 買左少少野食, 另外今晚叫左個好大份量的 green curry, 今次唔記得叫佢地整得mild d, 辣到我飛起...

今晚訓個好覺...明天作戰去...