機上過元宵

2007.03.04

第 240 次飛行

對於我黎講, 元宵節冇乜特別...如果唔係家人話要食湯丸, 我諗我都唔記得有元宵節呢樣野...

今年的元宵節, 我就冇假放啦! 仲好應景咁, 做左班北京即日來回...

做北京機唔係問題, 但我就好怕聽到佢地帶有北京日音的國語, 因為我真係聽唔明既... 好彩我個zone 好多外國人....有些人去玩, 有些人就番鄉下, 最後成機差唔多全院滿座...

成班機的問題不算太多, 只係氣流比較勁, 起初仲以為做唔切個SERVICE, 但最後都可以順利完成, 仲有時間賣下野, 但最估唔到呢班機係咁好賣既....其實上到機見到咁多個sales kit, 我已經嚇屎左啦!

另外仲有d 小問題, 例如有位客人腳臭, 又例如有人complain cabin 好熱..等等...另外有個女人起飛時, 死都要抱住個仔起飛. 唔肯扣安全帶, 同事們說bb 一定要扣安全帶...事後仲話同事們冇人性...我心諗, 真係有意外時, 睇下邊個冇人性...

好彩機程3 小時都唔夠, 快快脆脆送走哂d客..哈哈! 可能今日係元宵節, 北京好多地方都放煙花, 係機內望出去, 真係好靚呀~~~!

可惜回程就唔係咁順利啦! 首先因為 traffic 太繁忙, delay 左40 分鐘, 因為只係得29 位客人, 所以我地就on ground 做左個cocktail service...

另外, 29 人中, 坐 30 k 的鬼佬好麻煩...唔知發乜野脾氣, 當我地d crew 係阿四咁...成日飲 brandy, 仲要time to time fill up 俾佢, 仲要老點我係overhead locker 拎佢部laptop 出黎...又要我幫佢收番佢個位既tv, 再要我幫佢拉出隔離座位的 tv, 之後仲要我幫佢收埋張table...而佢就兩手空空指指點點你...到降落時, 又遲遲都唔收埋部 laptop, 之後仲駁大懵用左商務客艙的洗手間!   同事同我講佢唔用得商務的洗手間喎..但我諗住都差唔多降落, 就由他吧! 起初我地大家都以為佢係card member 黎, 點知佢唔係囉! 真正的card member 係有一個, 但佢就係由頭訓到落尾.... 我心諗, 好彩呢班機唔full, 唔係只係應付30 k 那鬼佬都足以累死!  後來聽同事說, 好多時d 鬼佬生意失敗, 係機上都會搵人出氣喎....

做完 service 仲有成兩個鐘...咁o岩今次幾位同事都同我飛過, 大家又o岩傾, 所以時間都算過得幾快...

終於係凌晨一時半到了香港....與同事雙雙上左公司安排的的士, 就起程回家了....