趕時間

2007.03.26

第 246 次飛行

今日差d 唔知醒, 最後搞到早餐都食唔切就要上機工作了...

今日冇昨日咁好彩, 因為full load, 加上只有兩小時,所以時間都幾rush, 唯一好彩既係, 我地係 serve breakfast, service 比較簡單..起碼唔駛serve 酒同雪糕..hehe!

雖然時間好 rush, 但其實以平時的speed 咁做, 都應該做得切, 但我partner實在太快, 快到我都追唔上, 甚至透不過氣來...

最後係 full load 的情況下, 做完個service, 仲有1 小時剩, 同事們的速度真係驚人...

當中有段小插曲, 有個鬼佬冇啦啦鬧我地... 原來佢話我地做service 同埋做collection 的時候, 成個cart 塞左係條aisle, 阻住佢去洗手間喎...唉, 呢樣野, 其實你好聲好氣叫我地俾你過一過, 我地會樂意俾你過的...但你咁惡...真係唔多想讓你喎...同埋如果我地唔拉個cart出黎cabin, 點做service 同埋 collection 呢? 我體諒你之餘, 也請你地都體諒下我地啦....

終於落機, 成個人都鬆哂...

記起斯里蘭卡的機場關閉, 立即打俾家兒恭喜佢啦, 因為佢昨日係斯里蘭卡番黎麻...真係lucky! 如果今日先番黎, 真係唔知佢點算啊!  同埋我都應該感謝主, 因為起初為了仔仔, 我真係打算呢幾日swap in曼谷/斯里蘭卡的機黎做架!

放左工, 係搭巴士時, 發生左一件好不滿的事...話說我一向都冇申請機場員工的優惠, 因為我成日以為著左 uniform, 又或者show 一show 自己張職員證坐巴士就有平...而一直我放左工上巴士, 司機都會俾優惠我..上兩個月, 我如常放工上巴士, 點知某個巴士司機唔俾優惠我, 仲要我show 張證, 我show 左自己張職員證, 佢話唔係個張...呢一刻我先知原來要申請另一張機場員工優惠證(即係機場員工的個人八達通)...於是算啦, 呢個月我終於去左申請機場員工個人八達通, 但要21 後先有得拎張證, 呢一刻我只得張收條...前幾日, 因為我一放工就同仔仔出街, 所以係機場換左衫, 上巴士時, 我show 張收條, 司機都俾優惠我...點知今日放工, 我係著住uniform 上車, 又俾我遇番那個司機, 佢又唔俾優惠我, 於是我就拎左條收條出黎, 同佢講我申請左, 但未拎到張卡...blahblahblah, 點知佢話咁都唔俾得優惠我? 有冇攪錯!? 我心諗, 就算我冇申請, 我著住 uniform, 你都應該俾優惠我啦! 唔通我為左平d, 先偷件uniform 番黎著咩?! 當時後面仲有好多人排隊, 但我都唔理, 同佢企都行...我仲話上次我show 呢張回條都有優惠...最後那位司機說只限一次...其實我好嬲, 認住佢個樣, 佢又係有d 樣衰, 長長的頭髮, 仲要有d 曲, 真係好令我討厭! 事後我同仔仔講番, 仔仔叫我要 complain 呢位巴士司機...

雖然有點激氣, 但好開心就係, 唔駛我打俾仔仔, 仔仔好準時係我一落機就打電話俾我... 真係好開心架! 因為放工時, 唔係我報導俾佢聽我番左黎, 而係對方check 到我已經落左機就打俾我....真係抵錫!

好enjoy 呢一種感覺啊!