順利

2007.03.07 to 08

第 241 次飛行

今日算係近期比較順利的一程....有好的客人, 有好的同事, 就算我被安排做full load 的商務客艙, 都感到很輕鬆...亦好多謝後面兩位阿姐都上埋黎幫我地手...

唯一令我有少少唔開心就係俾我撞見一位我極唔鍾意的人...佢就係一位泰藉老總..不過佢今日唔駛番工, 而係我的zone 的其中一位客人...佢應該係東京玩完回港吧! 我唔鍾意佢係因為同佢飛過兩次, 一次short flight, 一次long flight, 個次long flight, 簡直係日間地獄... 唔單止叫醒哂正在熟睡的客...仲要我食緊野的時候, 好話我個tray 放係 galley top 喎...唉, 我個時都未食完...搞到自己都唔敢再食, 收番個tray 挨餓算了... 佢坐係我個zone, 我多麼希望佢唔好俾 hard time 我就得啦...最估唔到連今班機的香港男老總都認得佢(係認得一d 唔好的經歷....),  講番呢班機...一直都相安無事...直到派 main course 就有d 小插曲, 話說我地的 main course choice 唔係好夠, 所以有需要同泰藉老總同埋佢隔離的親人解釋serve 哂main course 俾其他客人, 才到佢地. (雖然佢地都係travel, 但佢地身為空服, 都要應該將客人放係第一位, 我地係有權俾其他客人揀main course 的 choice 先, 先到佢地揀既...)點知我up 完一大輪, 唔知佢係真聽唔明, 定係扮聽唔明啦...佢只係狂指住自己想要的 main course...最後我放棄了, 只好派左俾佢地兩位先...事後我都有同阿姐解釋番個情況...好彩阿姐都冇怪我咋...唉...真係越來越唔鍾意佢呀! 但有d 野好衰既, 越唔鍾意佢, 我就成日都見到佢, 最邪個一次就係上年 11 月我去搞美國visa 的時候, 竟然都俾我見到佢呀~~~!!!! 有冇搞錯?! 仲要佢casual wear 我都認到佢...所以今日佢坐我班機, 我又再一次第一眼就認到佢既 casual wear look 囉....

另外, 要多謝今班機的老總, 多謝你次次都幫我拎suitcase 呀!  不過佢就大頭蝦, 由於佢趕住搭車, 竟然拎左我件大褸走呀!!!!  搞到我著左佢件大褸上身, 先知係男裝.. 最後好彩都追得切老總, 交換番件褸...

今次呢班機算係舒服啦, 但日本餐真係好重, 拎到我對手好痛... 要好好休息啦, 迎接明天overbook 成40 幾位客人的星機!!!