向泰國出發day 1 - 前往Kanchanaburi

2007.03.13

今天早上5 點幾就要起身, 乘搭9 點的客機前往曼谷...在機上,  遇見位曾經飛過的同事...大家咁o岩一齊黎泰國玩..哈哈!   落機的時候, 我仲聽到有工作中的同事望著我說: "呢個一定都係crew 黎既..."  乜crew 真係有樣睇嗎???

話咁快, 兩小時幾的機程就到曼谷, 但immigration 就等了好耐..因為佢地做野真係做得好慢, 仲要我排個條龍, 兩位工作人員輪住黎close...唉....始終到而家都唔多鍾意曼谷機場...

會合了貴人後, 就坐shuttle 去 city centre 會合貴人的朋友couple...期間孤菇發覺自己唔記得左帶短褲, 於是就係街邊買左條, 後來我俾呢條短褲玩死, 不過一陣先再講...anyway, 我地唱哂錢, 黎左quick lunch, 就坐的士去bus terminal...再轉兩個半鐘頭巴士去泰國西部的 Kanchanaburi...

去到Kanchanaburi, 大家都有點餓, 去左附近掃街, 食左少少野, 就坐好似tuktuk 的的士去到河邊的一間 guest house 放下行李, 換埋衫先再出去...

我地住二樓..

而下面兩張圖就係房間望出去的河景了...

係時候講番條短褲, 我係 guest house 換左新買的短褲出街, , 再一齊坐tuktuk 出去行下, 點知差唔多落車的時候, 貴人指著孤菇的褲鏈...原來條鏈冼左落黎...咁都唔緊要, 拉番上去就得啦, 點知個扣"zip" 左係下面, 拉唔番出黎, 幸好仲有貴人朋友的女朋友阿菲遮住我者...搞了好耐, 先拉得番個扣出黎, 再拉褲鏈咋! 但呢樣野已經令我好尷尬! 第一次見貴人的朋友就發生d 咁既事... 後來我仲發現有粒button 甩左, 同埋褲袋爛爛地...唉, 真係平野冇好野...
搞掂完我條褲, 我地4 人繼續行程...首先就係睇下下圖呢架火車...個支日本旗真係好假...

再行多5 分鐘, 就到死亡鐵路, 聽說沿這鐵路行, 會到緬甸的...

我地好開心, 可以有機會係鐵路上面行去對面岸呢! 下圖就係貴人的背影..呵呵!

下圖就兩個字, 到而家我都唔知係乜野意思....

到了對面岸時, 前面還有一大段路要走....不過快天黑了, 所以我們折返...

今日行左咁耐, 係時候搵地方dinner了, 我地選了下圖這地方..

這裡的景色都唔錯, 不過就好多蚊囉...同埋野食麻麻地...

食完飯, 回 guest house 沖一沖身, 我地出去飲杯野, 報明天要參加的 tour, 再做thai massage, 孤菇第一次做, 心諗一定好痛啦...但發覺又唔係喎, 仲好舒服添...

今晚訓得唔係太好, 因為間房的冷氣位直足我同貴人, 最後半夜, 貴人頂唔順, 成張床搬左去第2 個位置再訓...

明天的行程, 有點期待呢!