2007.03.14
第2 天, 10 點去左7 仔食早餐...真係要多謝7 仔, 全靠你, 唔係我地4 人一定成日餓死...
10 點半, 我地4 人包左架車出發今天的 tour! 
第一個節目就係去騎大象...見到咁沙塵滾滾, 真係有d 怕...
我地兩個人騎一隻象...首先就係坐係紅色的位置上, 但後期如果夠大膽, 可以輪住騎在大象的大頭上的...而我同貴人一人試了一次... 大家可以係"個人照片"內睇到..
我地穿過村落, 甚至騎著大象入水呢! 感覺真爽!
貴人朋友騎個隻係已有80 歲的男大象, 我同貴人騎個隻係已經有70 歲的女大象, 唔知係唔係我地個隻後生左 10 年的關係, 女大象成日唔跟大路行, 有次仲差d 帶到我地去沿崖邊, 嚇到孤菇半死...
騎完大象, 第2 個節目就坐竹筏係河上飄流...
這就是在騎大象時, 工作人員幫我同阿菲整的花帽...
當工作人員駕駛我地的竹筏去遠處後, 就只剩下下面的伯伯划著這小竹筏回岸, 這次用了很多時間...不過由於周圍的環境好舒服, 所以並不覺得時間那麼漫長...
上岸後, 我地去了食 lunch buffet, 下午就前往 tiger temple...話說n 年前有位和尚救了老虎仔, 直到現在...
不過已經不可以再抱老虎仔了, 因為佢地已經長大了...但與老虎影相是還可以的...如果想與老虎影相, 給工作人員自己的相機, 他們就會帶我地入去, 幫我地影相...絕對安全的...不過只可以係老虎的後面影相, 如果想係頭的附近影相, 甚至將老虎的頭放在自己的大脾上拍照, 就要多俾1000 泰銖...
睇完老虎, 我地再睇下其他野生動物...這裡沒有籠, 動物周圍走, 要找到它們並不易...但今日幸運地, 俾我地睇到孔雀, 其實昨天係死亡鐵路附近都見到有孔雀, 但佢地沒有開屏, 今天是孤菇第一次見到孔雀開屏!
最難得係...影到孔雀開屏的照片啊! 不過下面呢兩張相好難先影到, 因為孔雀一見到有人類, 就立即轉身, 同背部向著我地, 好彩我地有4 個人...哼哼, 一人企一個位, 等孔雀避不到...呵呵! 
拿拿拿...佢又想轉身了...
睇完孔雀開屏, 就去睇小鹿仔, 佢地竟然係度角鬥...
由水面鬥到上地面...
去完 tiger temple, driver 車番我地去bus terminal, 我地又去左7 仔買左少少野食, 就坐番兩個半鐘頭的車回曼谷市...找了一間 guest house settle down 後, 就去左日本街食左餐好好味的鐵板燒dinner, 再去 clubbing...其實我好唔想去既, 但既然咁難得有咁多人, 一次半次就算吧...我地叫了一大支red label whisky, 再mix coke and soda 咁飲...後來仲玩了一點小遊戲...玩黃飛鴻那個game 最好笑...其實我都係第一次玩, 諗住一定成日輸...點知每次我做乜野動作, 貴人又跟我做那個動作, 輸到佢死...嘩哈哈!
後來佢都話有冇搞錯, 成日同我做埋同一個動作...hehe..
仲諗住自己飲左咁多whisky 一定會醉, 點知最後醉左既...係貴人的朋友...而我同貴人, 竟然係飲完好多酒後, 仲可以去掃街...我對自己飲酒的容量, 的確有點驚訝...
今晚貴人的朋友嘔到七彩, 而我同貴人則睡得很甜...
No comments:
Post a Comment