飛到福岡去

2006.12.02

第 217 次飛行

又係日本機啦! 不過今次唔係去東京, 而係下面的福岡...

不過去到福岡前, 當然要做兩程相當辛苦的香港 - 台北, 同埋台北 - 福岡呢兩程...

第一程full load, 首先係有一堆jacket 要掛...然後就係overhead locker 冇哂位俾客放行李...之後就有勁多人要報紙...忽然, 成架機的power 冇哂...著哂d emergency light, 有d 同事話好恐怖, 但我覺d emergency lighting 好靚, 好有聖誕feel... 結果個個都要做live safety demo, 不過好彩我今日的position 係唔駛做者, 唔係我個頭一定又散哂! live demo 完左之後, 我就上去商務拎報紙, 點知期間試多之power 都唔得, 當時我到出面ground staff 敲門聲...之後再聽到有個阿姐話: "死啦, 要轉 aircraft!", 我心諗, 唔好咁玩法啦! 已經上哂客, 搞掂好哂d 野, 如果再轉 aircraft, 又要做過哂d 野...救命啊!  

好彩...最後都可以順利起飛, 不過就delay 左少少...唉, 總之起到飛就得啦....

係呢一程機, 有位台灣人, 需要用walking stick 行上機, 但佢又唔係 wheerchair 客, 見到佢上機, 我就好心同佢講支walking stick 放唔到係 overhead locker, 我會幫佢放係cloakroom, 到landing 後再俾番佢, 但佢就同我講佢需要呢兩支walking stick 先行到, 同埋我成日行開行埋, 佢都成日stop 我, 提我記得俾番支walking stick 佢, 當時, 與佢對話中, 我feel 到佢唔想最後一個落機, 即係佢想同其他客人一樣咁落機, 但問題係個cloakroom 距離佢個位都幾遠下, 如果landing 前還番俾佢, 一定冇可能, 因為兩支walking stick, 一定要放係適當的地方...taxi 的時候又唔還得番俾佢, 最後問了同事後, 決定臨landing 前放係door 3 doghouse 前面的位置...即係door3 前面最後一排座位的下方...待飛機停左之後, 坐係 door 3 的同事可以還番俾坐係door 3 後面兩行的佢手上... 咁佢就可以同其他客人一齊咁落機了...

到左第2 程, 少左一百位客人, 時間又多了, 做得應該舒服多了, 但我地個邊做完好耐, 唔知點解, 另外個邊都未做完, 最後有時間都變沒有時間了....但令我最不解既係, 個邊兩位同事都好senior, 仲要係男 crew, 唔通個邊d 客比較麻煩?  但孤菇派meal時已經派埋中間位啦喎!

幾經辛苦, 終於到達福岡...到達的時候, 有3 種感覺: (1) 個度好凍, 得9 度... (2) 好累... (3) 今日唔開心的時間居多...我諗係源於早上的一個短訊...

同事們一邊商討一會兒去邊, 而自己就望著窗外的景色...想到老遠去...